ဧရာဝတီတိုင်းဒေသကြီး၊ ကျောင်းကုန်းမြို့နယ်၊ စားသုံးသူရေးရာဦးစီးဌာနမှ မြို့နယ်တာဝန်ခံနှင့် ဝန်ထမ်းများသည် ကျောင်းကုန်းမြို့နယ်တာဝန်ခံရုံးတွင် မြို့ပေါ်ရှိ စားအုန်းဆီလက်လီရောင်းချသည့် လုပ်ငန်းရှင်များအားတွေ့ဆုံ၍ လုပ်ငန်းရှင်အသိပညာပေး ဟောပြောခဲ့ကြောင်းသိရသည်။
ထိုသို့ အသိပညာပေးဟောပြောရာတွင် မိမိတို့ရောင်းချသောဆိုင်ရှေ့တွင် ဆိုင်းဘုတ်များပြုလုပ်၍ ရောင်းချသည့်ဈေးနှုူန်း ရရှိသောဆီပိဿာများရေးသား၍ ပွင့်လင်းမြင်သာစွာရောင်းချရန်၊ သတ်မှတ်ရည်ညွှန်းဈေးအတိုင်းရောင်းချရန်နှင့် ဈေးနှုန်းကြီးမြင့်စွာရောင်းချခြင်း၊ ဈေးကစားရန်ရည်ရွယ်၍ သိုလှောင်ထားခြင်းများပြုလုပ်ပါက အရေးကြီးကုန်စည်နှင့်ဝန်ဆောင်မှုဥပဒေအရ အရေးယူခံရမည်ဖြစ်ကြောင်း အသိပညာပေးဆွေးနွေးခဲ့ကြောင်း သိရှိရပါသည်။
DOCA(ဧရာဝတီ)