ဆီကြိတ်ခွဲရောင်းချသည့် လုပ်ငန်းရှင်အား တွေ့ဆုံဆွေးနွေး အသိပညာပေး

Powered by Drupal

           ဧရာဝတီတိုင်းဒေသကြီး၊ပုသိမ်ခရိုင်အတွင်းရှိမြို့နယ်များတွင် စားသုံးသူအခွင့်အရေးနှင့် စားသုံးသူအကျိုးစီးပွား ကာကွယ်ရေးဆောင်ရွက်ရန်၊ ထုတ်ကုန်လုံခြုံစိတ်ချရမှုဆောင်ရွက်ရန်၊ ကုန်စည်နှင့်ဝန်ဆောင်မှုများ၏ အရည်အသွေးစီမံခန့်ခွဲမှုနှင့် သုတေသနလုပ်ငန်းများဆောင်ရွက်ရန် ရည်ရွယ်၍ စားသုံးသူရေးရာဦးစီးဌာနမှ ဝန်ထမ်းများသည် (၁၆.၅.၂၀၂၂)ရက်နေ့ (၁၃:၀၀) နာရီအချိန်တွင် ရေကြည်မြို့နယ်၊ ငါးသိုင်းချောင်းမြို့ရှိ စွမ်းမြေပဲဆီစက်သို့ သွားရောက်တွေ့ဆုံ မေးမြန်းခဲ့ကြောင်း သိရှိရပါသည်။ ရေကြည်မြို့နယ်တာဝန်ခံ ဒေါ်ချယ်ရီမြင့်သည် စွမ်းမြေပဲဆီစက်ပိုင်ရှင် ဒေါ်စန်းစန်းမော်အား တွေ့ဆုံဆွေးနွေးရာတွင် ကုန်ကြမ်းရရှိမှု၊ တစ်နေ့ကြိတ်ခွဲနိုင်မှုပမာဏ၊ ဆီကြိတ်ခွဲ လည်ပတ်မှုအဆင့်ဆင့်နှင့် သန့်စင်သောဆီထွက်ရှိလာမှုတို့အား လိုက်လံကြည့်ရှု့မေးမြန်းခဲ့ကြောင်း သိရှိရပါသည်။ ဆက်လက်၍ ဆီများဈေးကွက်အတွင်းသို့ တင်သွင်းဖြန့်ဖြူးရောင်းချရတွင် စားသုံးသူများ နစ်နာဆုံးရှုံးမှုမရှိစေရေးအတွက် စီးပွားရေးလုပ်ငန်းရှင်များလိုက်နာရမည့်တာဝန်များနှင့် စည်းကမ်းချက်များကိုလည်းကောင်း၊ တင်ပို့ရောင်းချသော ကုန်စည်များတွင် စားသုံးသူကာကွယ်ရေး ဥပဒေ အခန်း(၁၈)ပါ ကုန်စည်များတွင် ကုန်အညွှန်းအမှတ်အသားများရေးသားဖော်ပြခြင်းနှင့် စပ်လျဉ်း၍ ကုန်စည်တံဆိပ်အမှတ်အသား၊ ကုန်စည်အမျိုးအမည်၊ အရွယ်အစား၊ အရေအတွက်နှင့် အသားတင်ပမာဏ၊ ထားသိုသိမ်းဆည်းမှုအညွန်း၊ သုံးစွဲပုံနည်းလမ်းများ၊ ထုတ်လုပ်သည့်ရက်စွဲနှင့် သက်တမ်းကုန်ဆုံးသည့်ရက်စွဲ၊ ထုတ်လုပ်မှုအမှတ်စဉ်များကို တိကျရှင်းလင်းစွာ ရေးသားဖေါ်ပြရမည့်ဖြစ်ကြောင်း ရှင်းလင်းဆွေးနွေးအသိပညာပေးခဲ့ကြောင်း သိရှိရပါသည်။

DOCA(ဧရာဝတီ)