စားသုံးသူရေးရာကော်မတီအစည်းအဝေး (၁/၂၀၂၂) ကို တနင်္သာရီတိုင်းဒေသကြီး၊ အစိုးရအဖွဲ့ရုံးအစည်းအဝေးခန်းမ၌ ၂၀၂၂ ခုနှစ်၊ မေလ ၁၆ရက်နေ့တွင် ကျင်းပခဲ့ပါသည်။ အဆိုပါ အစည်းအဝေးသို့ စီးပွားရေးရာဝန်ကြီး တိုင်းဒေသကြီးအစိုးရအဖွဲ့၊ တိုင်းဒေသကြီးဥပဒေချုပ်၊ တိုင်းဒေသကြီးစည်ပင်သာယာဦးစီးဌာန၊ တိုင်းဒေသကြီး ရဲတပ်ဖွဲ့မှူး၊ တိုင်းဒေသကြီးကျန်းမာရေးဦးစီးဌာန၊ တိုင်းဒေသကြီးအစားအသောက်နှင့် ဆေးဝါးကွပ်ကဲရေးဦးစီးဌာနနှင့် တိုင်းဒေသကြီးကုန်သည်များနှင့် စက်မှုလက်မှုလုပ်ငန်းရှင်များအသင်းတို့ တက်ရောက်ခဲ့ကြပါသည်။
ရှေးဦးစွာ တနင်္သာရီတိုင်းဒေသကြီး စားသုံးသူရေးရာကော်မတီဥက္ကဋ္ဌ၊ စီးပွားရေးရာဝန်ကြီးကအဖွင့်မှာစကားပြောကြားရာတွင် စားသုံးသူကာကွယ်ရေးလုပ်ငန်းများ ဆောင်ရွက်ရာတွင် ကြုံတွေ့ရတဲ့အခက်အခဲများ၊ စိန်ခေါ်မှုများ၊ အားသာချက်၊ အားနည်ချက်တွေအပေါ် မူတည်ပြီး ဆက်လက်ဆောင်ရွက်သွားမည့်အစီအမံများနှင့် ပတ်သက်ပြီး အကြံပြုဆွေးနွေးတင်ပြကြပါရန် ပြောကြားခဲ့ပါသည်။ စားသုံးသူကော်မတီ၏အတွင်းရေးမှူးဦးတင်အောင်ကျော်မှ ဌာန၏မျှော်မှန်းချက်၊ ရည်မှန်းချက်များပြောကြားပြီး စားသုံးသူကော်မတီ၏ လုပ်ပိုင်ခွင့်နှင့် လုပ်ငန်းတာဝန်များ၊ စီမံခန့်ခွဲပိုင်ခွင့်၊ စားသုံးသူ၏အခွင့်အရေးများနှင့် စားသုံးသူများ၏ တာဝန်များကိုရှင်းရှင်း လင်းလင်းအကျယ်တဝင့် ပြောကြားခဲ့ပါသည်။
ထို့နောက် စားသုံးသူရေးရာကော်မတီဉက္ကဋ္ဌမှ စားသုံးသူများမှ မိမိအခွင့်အရေးများကို သိရှိစေရန်အတွက် ဗီနိုင်းများနှင့် လက်ကမ်းစာစောင်များတွင် ရှင်းလင်းသည့် ဥပမာများနှင့်တကွဖော်ပြ၍ စျေးများ၊ ရက်ကွက်များ၊ ကျေးရွာများတွင် ဗီနိုင်းကပ်ခြင်း၊ ဗီနိုင်းထောင်ခြင်း၊ လက်ကမ်းစာစောင်များဖြန့်ဝေခြင်းတို့ကို ထိထိရောက်ရောက်ဆောင်ရွက်သွားရန် နိဂုံးချုပ်ပြောကြားပြီး အစည်းအဝေးအောင်မြင်စွာပြီးစီးကြောင်း သိရှိရပါသည်။
DOCA(တနင်္သာရီ)