မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့မစည်ပင်ဈေးတွင် ပခုက္ကူမြို့နယ်အတွင်းရှိရွာများနှင့် ကမ္မ၊ မြစ်ခြေရှိ နယ်များမှ ဟင်းသီးဟင်းရွက်ဈေးသည်များ၊ ပခုက္ကူကျွန်း၊ မြင်းကျွန်း၊ လေးလံကျွန်း၊ ဘောလုံးခုံကျွန်းတို့မှ လာရောက်အရောင်းအဝယ်ဖြစ်နေကြောင်း မြို့မဈေးသည်များနှင့် အမှတ်(၂)ဈေးရှိ ဈေးသည်များထံမှသိရှိရပါသည်။
ပခုက္ကူမြို့မဈေးနှင့် အမှတ်(၂)ဈေးတို့တွင် ရောင်းဝယ်နေသောကုန်စိမ်းသီးနှံများမှာ ခရမ်းသီး၊ ခရမ်းချဉ်သီး၊ ငရုတ်သီးစိမ်း၊ ပန်းဂေါ်ဖီ၊ ဂေါ်ဖီထုပ်၊ ဂေါ်ရခါးသီးနှင့် အခြားသီးနှံများ အရောင်းအဝယ်ဖြစ်နေပါသည်။ ၂၀၂၃ခုနှစ်၊ ဒီဇင်ဘာလ(ပထမပတ်)တွင်ရောင်းချနေသာ ဈေးနှုန်းများမှာ ခရမ်းသီးတစ်ပိဿာဈေးမှာ ကျပ်(၂၂၀၀-၂၅၀၀)၊ အာလူးတစ်ပိဿာလျှင် ကျပ်(၂၆၀၀-၂၈၀၀-၃၀၀၀)၊ ကြက်သွန်နီတစ်ပိဿာလျှင် ကျပ်(၂၁၀၀-၂၅၀၀-၂၈၀၀)၊ ခရမ်းချဉ်သီးတစ်ပိဿာလျှင် ကျပ်(၁၅၀၀-၁၆၀၀)၊ ငရုတ်သီးစိမ်း(ရွှေအပ်သီး) တစ်ပိဿာလျှင် ကျပ်(၄၅၀၀-၅၀၀၀)၊ ငရုတ်သီးခြောက်တစ်ပိဿာလျှင် ကျပ် (၁၇၀၀၀-၁၈၀၀၀)၊ ကုလားပဲခြမ်းတစ်ပိဿာလျှင် ကျပ်(၇၄၀၀-၇၅၀၀)၊ ပန်းဂေါ်ဖီမှာ အပွင့်အရွယ်အစားကိုလိုက်၍ တစ်ပွင့်လျှင် ကျပ်(၈၀၀-၁၀၀၀)၊ ဂေါ်ဖီတစ်ထုပ်လျှင် ကျပ်(၁၂၀၀-၁၅၀၀)၊ ဂေါ်ရခါးသီးတစ်လုံးလျှင် ကျပ်(၁၅၀)၊ ပဲတောင့်ရှည်တစ်ပိဿာလျှင် ကျပ်(၁၈၀၀-၂၀၀၀)၊ မုန်လာဥနီတစ်ပိဿာလျှင် ကျပ်(၂၅၀၀)၊ ချဉ်ပေါင်ရွက်တစ်စည်းလျှင် ကျပ်(၁၀၀)၊ ကန်စွန်းရွက်တစ်စည်းလျှင် ကျပ်(၇၀-၈၀)၊ မြေပဲဆံတစ်ပိဿာလျှင် ကျပ် (၆၃၀၀-၆၅၀၀)၊ သကြားတစ်ပိဿာလျှင် ကျပ်(၃၈၀၀-၄၀၀၀)နှင့် ကြက်ဥတစ်ပိဿာလျှင် ကျပ်(၆၅၀၀)၊ အသားငါးဈေးနှုန်းများမှာ ကြက်သား(CP) တစ်ပိဿာလျှင် ကျပ် (၁၂၀၀၀)၊ ကြက်သား(ဗမာ) တစ်ပိဿာလျှင် ကျပ်(၁၈၀၀၀)၊ ဝက်သားတစ်ပိဿာလျှင် ကျပ် (၁၈၀၀၀)၊ အမဲသားတစ်ပိဿာလျှင် ကျပ်(၁၇၀၀၀)၊ ဆိတ်သားတစ်ပိဿာလျှင် ကျပ်(၂၀၀၀၀)၊ ငါးမြစ်ချင်းတစ်ပိဿာလျှင် ကျပ်(၇၅၀၀)၊ ငါးကြင်းတစ်ပိဿာလျှင် ကျပ်(၉၅၀၀-၁၀၀၀၀) စသည်ဖြင့် အရောင်းအဝယ်ဖြစ်လျက်ရှိကြောင်း ဈေးသည်များထံမှသိရှိရပါသည်။
DOCA(မကွေး)