ပဲခူးတိုင်းဒေသကြီး၊ ပြည်ခရိုင်၊ ပေါက်ခေါင်းမြို့နယ်၌ ကြံကိုအများဆုံးစိုက်ပျိုးကြပါသည်။ ထွက်ရှိလာသောကြံများကို အင်ငါးခွသကြားစက်နှင့် နဝဒေး၊ မြရွာသကြားစက်တို့မှဝယ်ယူကြောင်း သိရပါသည်။ သကြားဈေးတက်ချိန်ဖြစ်သည့်အတွက် ကြံစိုက်တောင်သူများ ကြံပေါ်ချိန်ကာလတွင် တက်ဈေးမျှော်နေကြောင်းသိရပါသည်။ ယခင်နှစ်တွင် ကြံတစ်တန်လျှင် (၇၅၀၀၀)ကျပ်ရှိခဲ့သောကြောင့် ယခုနှစ်တွင်လည်း တက်ဈေးမျှော်နေကြောင်း ကြံစိုက်တောင်သူတစ်ဦးထံမှသိရှိရပါသည်။ ပြည်ဈေးကွက်အနေဖြင့် ၂၀၂၃ခုနှစ်၊ အောက်တိုဘာလမှစတင်ပြီး သကြားတစ်ပိဿာလျှင် (၃၆၀၀)ကျပ်ရှိခဲ့ပြီး နိုဝင်ဘာလ ပထမပတ်တွင် သကြားတစ်ပိဿာလျှင် (၄၀၀၀)ကျပ်ဈေးထိမြင့်တက်လာခဲ့ကြောင်းသိရပါသည်။
DOCA(ပဲခူး)