ပြည်ပဲမျိုးစုံဈေးကွက်၌ မတ်ပဲသီးနှံဈေးနှုန်းမှာ ၂၀၂၃ခုနှစ်၊ နိုဝင်ဘာလဆန်းရက်တွင် မြင့်တက်လာခဲ့သောကြောင့် ပိဿာ (၂၀) ဝင် တစ်တင်းလျှင် ၉၆၀၀၀ကျပ်ဖြင့် အရောင်းအဝယ်ဖြစ်နေခဲ့ကြပါသည်။ တချို့သိုလှောင်သမားများက ထုတ်ရောင်းချကြပြီး မျိုးပဲဝယ်လက်တချို့ကလည်း ဝယ်ယူလာကြပြီဖြစ်ပါသည်။ ပဲဈေးကျပ် ၈သောင်းကျော်ကတည်းက လှောင်လက်များ၊ တောင်သူများအနေဖြင့် ရောင်းချနေသောကြောင့် ယခုအခါတွင်မူ လှောင်ပဲအနည်းငယ်ဖြစ်သည့် မျိုးပဲများသာ လက်ကျန်ရှိနေခဲ့ကြပါသည်။ ထို့ကြောင့် ပဲဈေးနှုန်းမြင့်တက်လာသော်လည်း ဈေးကွက်၌ နေ့စဉ် ရောင်းဝယ်မှုမဖြစ်ခဲ့ဘဲ ရက်ခြားသာရောင်းဝယ်မှုဖြစ်ကြပါသည်။ ယခင်နှစ်၊ နိုဝင်ဘာလပေါက်ဈေးနှုန်းမှာ တစ်တင်းလျှင် ကျပ် (၆) သောင်းကျော်သာရရှိခဲ့သည့်အတွက် ယခုနှစ်ဈေးနှုန်းမှာ ယခင်နှစ်ထက် ဈေးသိသိသာသာပိုရနေပြီး ပဲဈေးကွက်မှာလည်း ပဲတီစိမ်း၊ ပဲစင်းငုံသီးနှံများထက်ပင် ဈေးပိုရလျက်ရှိနေခဲ့ကြောင်းသိရှိရပါသည်။
DOCA(ပဲခူး)