ကြံစိုက်ပျိုးရေးနှင့်ဈေးနှုန်းဈေးကွက်

ကြံသည်ပူနွေးစိုစွတ်သောဒေသနှင့် သမနွေးပိုင်း ဒေသများတွင် ဖြစ်ထွန်း တတ်ပြီး ရေအလွန်သောက်သော သီးနှံဖြစ်သည်။ ကြံသည် ပုံမှန်အားဖြင့် အပင်မြင့် ၉ပေ နှင့် ၁၅ပေကြား၊ ပင်စည်လုံးပတ်မှာ အချင်း ၂လက်မခန့်ရှိသည့် နှစ်ရှည်ပင်တစ်မျိုးဖြစ်သည်။ ပင်စည်သည် ကြံရိုးဖြစ်လာပြီး ကြီးထွားလာသောအခါ အပင်တစ်ပင်လုံး၏ ၇၅ရာခိုင်နှုန်းသည် ကြံရိုးသာဖြစ်သည်။ ကောင်းစွာကြီးထွားလာသော ကြံရိုးတချောင်းတွင် အမျှင်ဓာတ် (၁၁-၁၇) ရာခိုင်နှုန်း၊ ပျော်ဝင်လွယ်သော သကြားဓာတ် (၁၂-၁၆) ရာခိုင်နှုန်း၊ အချိုဓာတ်မဟုတ်သော အခြားပါဝင်မှု(၂-၃) ရာခိုင်နှုန်း နှင့် ရေဓာတ် (၆၀-၇၀) ရာခိုင်နှုန်းခန့် ပါဝင်ကြောင်းသိရသည်။ ကြံရည် ထဲမှာ ပိုတက်ဆီယမ်၊ ကယ်လ်ဆီယမ်၊ မဂ္ဂနီဆီယမ်၊ သံဓာတ်၊ မဂ္ဂနိစ်၊ အမိုင်နိုအက်ဆစ်၊ ဇင့်၊ သီရာမင်းနဲ့ riboflavin တို့ ပါဝင်ပါသည်။ သကြားဓာတ်ပါဝင်သလို ခန္ဒာကိုယ် အတွက်နေ့စဉ်လိုအပ်တဲ့အမျှင်ဓာတ်ပါဝင်နေပါသည်။ကြံစိုက်ပျိုးခြင်းသည် ကမ္ဘာတွင် အများဆုံး စိုက်ပျိုးကြသော စိုက်ပျိူးရေးစနစ်ကြီးတခု ဖြစ်သည်။ ကြံသည်သကြား အဓိက ထုတ်လုပ်ရာ သီးနှံလည်း ဖြစ်သလို အရက် အချဉ်ဖောက်ရာတွင် သုံးသောကုန်ကြမ်းလည်း ဖြစ်သည်။ ကြံအထွက်နှုန်းမှာ ရေရရှိမှု၊ မြေဩဇာထည့်သွင်းနိုင်မှု၊ မြေအမျိုးအစားပေါ် မူတည်ပြီး ၁ ဧကလျှင် တန်ချိန် (၄၀- ၆၀) ကြား ထွက်ရှိနိုင်ပါသည်။ ကြံပင်များကိုခုတ်ပြီး အတိုအရှည်ခွဲ၍ သုံထောင့်ထွာ(၁၀)ချောင်း(၁)စီးလျှင် (၆၀၀၀-၈၅၀၀) ကျပ် လေးထောင့်ထွာ (၁၀)ချောင်း(၁)စီး လျှင်(၈၀၀၀-၁၂၀၀၀)ကျပ်ရှိကြောင်းသိရသည်။ သုံးထောင့်ထွာ ကြံတစ်ချောင်း ကြိတ်လျှင် ကြံရည်(၂-၃)ခွက်ရရှိပြီး ကြံရည်တစ်ခွက်လျှင် (၁၀၀၀) ကျပ်ဖြင့်ရောင်း ချလျက်ရှိကြောင်း သိရသည်။ သကြား(၁)ပိဿာလျှင်(၆၀၀၀)ကျပ်ရှိကြောင်းသိရပါသည်။ ကြံသည် ကမ္ဘာ့ဝယ်လိုအား များသလို စိုက်ပျိုးသူကိုလည်း အကျိူးအမြတ် အနည်းနှင့်အများပေးနိုင်သော သီးနှံဖြစ်၍ စီးပွားဖြစ်စိုက်ပျိုးထုတ်လုပ်သင့်သော သီးနှံတစ်ခု ဖြစ်ကြောင်းသိရပါသည်။
DOCA(မန္တလေး)