စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနသည် ပြည်တွင်း ပြည်ပမှ ထုတ်လုပ်တင်သွင်းသော ကုန်စည်များနှင့်စပ်လျဉ်း၍ ဘေးအန္တရာယ်ရှိ/မရှိနှင့် ကုန်အညွှန်း အမှတ် အသားဖော်ပြရာတွင် စားသုံးသူကာကွယ်ရေးဥပဒေနှင့်အညီ ဖော်ပြခြင်း ရှိ/မရှိ ဈေးကွက်စောင့်ကြည့် စစ်ဆေးခြင်းလုပ်ငန်းကို ဆောင်ရွက်လျက်ရှိရာ ပဲခူးတိုင်းဒေသကြီးအတွင်း ၂၀၂၆-၂၀၂၇ ဘဏ္ဍာနှစ် အတွင်း၌ ကုန်စည်ပေါ်တွင် ကုန်အညွှန်းအမှတ်အသား ဖော်ပြခြင်းနှင့် စပ်လျဉ်း၍ ဈေးကွက်စောင့်ကြည့် စစ်ဆေးနိုင်ရေးအတွက် တိုင်းဒေသကြီး စားသုံးသူရေးရာ ကော်မတီ အစည်းအဝေး အမှတ်စဉ်(၁၂/၂၀၂၅)၌ ဦးစာပေးကုန်စည်(၁၀)မျိုးအား အတည်ပြု ဆုံးဖြတ်ခဲ့ပါသည်။
သို့ဖြစ်ရာ (၂၁-၉-၂၀၂၆)ရက်နေ့တွင် တောင်ငူခရိုင်ဦးစီးမှူး နှင့် ဒုတိယခရိုင်ဦးစီးမှူး၊ တောင်ငူမြို့နယ်တာဝန်ခံနှင့် ဝန်ထမ်း(၁)တို့သည် တိုင်းဒေသကြီး စားသုံးသူရေးရာ ကော်မတီ၏ အတည်ပြု ဆုံးဖြတ်ချက်အရ (၉/၂၀၂၆) လတွင် ဦးစားပေး ကုန်စည်ဖြစ်သော ကလေးအဟာရ ဖြည့်စွက်စာ အမျိုးမျိုး အား တောင်ငူခရိုင် အတွင်းရှိ ICON ဈေးဝယ်စင်တာ၊ Win Mart Mini Mart၊ စိန်တိုက် စတိုး၊ ရသာစုံ စတိုး၊ Nant Thar Mart၊ နှင်းဆီနီစတိုးတို့တွင် ရောင်းချလျက်ရှိသော ကလေးအဟာရဖြည့်စွက်စာ အမျိုးမျိုးတို့အား ဈေးကွက်စောင့်ကြည့်စစ်ဆေးခဲ့ကြောင်း သိရှိရသည်။
DOCA(ပဲခူး)