၂၀၂၆ ခုနှစ်၊ စက်တင်ဘာလ ၂၁ ရက်နေ့တွင် စားသုံးသူရေးရာဦးစီးဌာန၊ ရေတာရှည်မြို့နယ်ရုံးမှ ဒေါ်ပပလင်း၊ ဒု-ဦးစီးမှူးသည် ပြန်ကြားရေးနှင့်ပြည်သူ့ ဆက်ဆံရေးဦးစီး ဌာန၊ ဥပဒေရေးရာ ဦးစီးဌာနတို့ ပူးပေါင်း၍ ရေတာရှည်မြို့အမှတ်(၁) အခြေခံပညာ အထက်တန်း ကျောင်းတွင် စားသုံးသူကာကွယ်ရေး အသိပညာပေး ဟောပြောပွဲကို ယင်းနေ့ နံနက် (၁၀:၀၀)နာရီ အချိန်တွင် ယင်းကျောင်းရှိ ခန်းမ၌ ကျင်းပပြုလုပ်ခဲ့ကြောင်း သိရသည်။
ဟောပြောပွဲတွင် စားသုံးသူရေးရာဦးစီးဌာနမှ မြို့နယ်တာဝန်ခံ က ကုန်စည် နှင့် ဝန်ဆောင်မှုများ အကြောင်း၊စားသုံးသူအကြောင်း၊သက်ဆိုင်ရာဌာနများက စားသုံးရန်မသင့်ဟု တားမြစ်ထုတ်ပြန်ထားသော ကုန်စည်များအား ရွေးချယ်ဝယ်ယူခြင်းမပြုရန်၊ ကုန်အညွန်းအမှတ် အသား ပြည်စုံစွာ ပါဝင်သော ကုန်စည်များကိုသာ ရွေးချယ်ဝယ်ယူကြရန် အသိပညာပေးပြောကြားခြင်း၊ စားသုံးသူများ၏ အခွင့်အရေးများ အကြောင်း၊ကုန်အညွှန်းအမှတ် အသားအရေးပါ ပုံများအား အသိပညာပေး ပြောကြားခဲ့ပါသည်။
ဆက်လက်၍ မြို့နယ်တာဝန်ခံ ဒေါ်ပပလင်းက စားသုံးသူအခွင့်အရေးများ ထိခိုက်နစ်နာ မှုများ ကြုံ တွေ့ရပါက သက်ဆိုင်ရာ စားသုံးသူရေးရာဦးစီးဌာနသို့ တိုင်ကြားနိုင်သည့် နည်းလမ်းများကို ရှင်းလင်းပြောကြားခဲ့သည်။ ဥပဒေရေးရာမှ ဦးစီးအရာရှိ ဦးမျိုးလှိုင်ဝင်း မှ ဥပဒေရေးရာနှင့် ပတ်သက်သည့် ကိစ္စရပ်များနှင့် ယစ်မျိုးဆိုင်ရာများအကြောင်း၊ပြန်/ဆက်မှ ဦးစီးအရာရှိ ဒေါ်သော်ဇင်အောင်မှ ကလေးအလုပ်သမားပပျောက်ရေး အကြောင်းအရာများအား ရှင်းလင်းပြော ကြားခဲ့ကြပါသည်။
ထို့နောက် အဆိုပါ ပူးပေါင်းအဖွဲ့သည် ကျောင်းမုန့်ဈေးတန်း ရောင်းချသူများအား စားသုံးသူ ကာကွယ်ရေးဥပဒေနှင့် အညီ လုံခြုံစိတ်ချရသော ကုန်ပစ္စည်းများသာ ရောင်းချရန်၊ သက်တမ်း လွန် စားသောက်ကုန်များ မရောင်းချရန်၊ ကုန်အညွှန်းအမှတ်အသား ပြည့်စုံသောကုန်ပစ္စည်းများကိုသာ ရောင်း ချ ရန်နှင့် သန့်ရှင်းသပ်ရပ်စွာ ရောင်းချရေးတို့ကို အသိပညာပေးဆွေးနွေးခဲ့ကြောင်း သိရသည်။
အဆိုပါ စားသုံးသူအသိပညာပေးဟောပြောပွဲသို့ ဆရာ/ ဆရာမများနှင့် ကျောင်းသား/ သူများ စုစုပေါင်း (၃၉၀)ဦး တက်ရောက်ခဲ့ကြပြီး စားသုံးသူအခွင့်အရေးများနှင့်ပတ်သက်၍ တက်ရောက်လာသည့် ဆရာ/ ဆရာမများနှင့် ကျောင်းသား/ သူများ၏ မေးမြန်းချက်များကို တာဝန်ရှိသူများက ပြန်လည် ဖြေကြားခဲ့ကြောင်း သိရှိရသည်။
DOCA(ပဲခူး)