(၅.၁၀.၂၀၂၆) ရက်နေ့ နေ့လည် (၁၄:၀၀) နာရီတွင် မြို့နယ်စည်ပင်သာယာရေးအဖွဲ့ အစည်းအဝေးခန်းမ၌ မြို့နယ်အဆင့် ကျန်းမာသန့်ရှင်းသောအစားအသောက်များ ရောင်းချရေးနှင့် စည်းကမ်းထိန်းသိမ်းရေး ကြီးကြပ်မှုကော်မတီအဖွဲ့က ဦးဆောင်၍ မြို့နယ်အတွင်းရှိ ဈေးဆိုင်များမှ အစားအသောက်ရောင်းချသူများအား ကျန်းမာရေးနှင့်ညီညွတ်ပြီး သန့်ရှင်းလတ်ဆတ်သော အစားအသောက်များကို စည်းကမ်းနှင့်အညီ ရောင်းချနိုင်ရေးကို မြို့နယ်စားသုံးသူရေး ရာဦးစီးဌာန မြို့နယ်ဦးစီးမှူး ဒေါ်ချိုမီဇင်မှ ဈေးဆိုင်လုပ်ငန်းရှင် (၃၀)ဦးအား ဆွေးနွေးပြောကြားခဲ့ကြောင်း သိရသည်။
အဆိုပါဆွေးနွေးပွဲတွင် မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာရေးအဖွဲ့၊ မြို့နယ်စားသုံးသူရေးရာဦးစီးဌာနနှင့် မြို့နယ်ကျန်းမာရေးဦးစီးဌာနတို့ ပူးပေါင်းပါဝင်ခဲ့ပြီး ဈေးဆိုင်များအနေဖြင့် အစားအသောက်များကို သန့်ရှင်းသပ်ရပ်စွာ ပြင်ဆင်ရောင်းချခြင်း၊ အစားအသောက်များအား အညစ်အကြေးနှင့် အန္တရာယ်ဖြစ်စေနိုင်သည့် အရာများမှ ကင်းဝေးစေရန် ထားသိုခြင်းနှင့် သတ်မှတ်ထားသည့် စည်းကမ်းချက်များကို လိုက်နာဆောင်ရွက်ရန် ထို့အပြင် စားသုံးသူများအနေဖြင့် ဘေးအန္တရာယ်ကင်းရှင်းပြီး ကျန်းမာရေးနှင့်ညီညွတ်သော အစားအသောက်များကို ယုံကြည်စိတ်ချစွာ ဝယ်ယူစားသုံးနိုင်ရေးအတွက် ရောင်းချသူများက တာဝန်ယူမှု၊ တာဝန်ခံမှုရှိစွာ ဆောင်ရွက်ရန်နှင့် သက်ဆိုင်ရာဌာနများအနေဖြင့်လည်း စည်းကမ်းနှင့်အညီ ရောင်းချမှုရှိ/မရှိကို ဆက်လက်ပူးပေါင်းကြီးကြပ်စစ်ဆေးသွားမည်ဖြစ်ကြောင်း ဆိုင်ရှင်များအား အသိပညာပေးဟောပြောခဲ့ကြောင်း သိရပါသည်။
DOCA(ဧရာဝတီ)