စားသုံးသူများ ဘေးကင်းလုံခြုံစွာဖြင့် ကုန်စည်များကို ရွေးချယ်ဝယ်ယူအသုံးပြုနိုင်ရေး နှင့် စားသုံးသူကာကွယ်ရေးဥပဒေပါ သတ်မှတ်ချက်များနှင့်အညီ ကုန်စည်များတွင် ကုန်အညွှန်းအမှတ်အသားများ ပြည့်စုံမှန်ကန်စွာ ဖော်ပြထားရှိမှု ရှိ/မရှိကို (၂၈.၉.၂၀၂၆) ရက်နေ့ မွန်းလွဲပိုင်းတွင် ကျိုက်ထိုမြို့နယ်၊ တောင်ပိုင်းရပ်ကွက်ရှိ သီရိချို စားသောက်ကုန် အရောင်းဆိုင်သို့ ကျိုက်ထိုမြို့နယ်၊ စားသုံးသူရေးရာဦးစီးဌာန၊ ခရိုင်တာဝန်ခံနှင့် မြို့နယ် တာဝန်ခံတို့မှ ဈေးကွက်စောင့်ကြည့်စစ်ဆေးမှုများ ဆောင်ရွက်ခဲ့ကြောင်း သိရသည်။
အဆိုပါ ဈေးကွက်စောင့်ကြည့်စစ်ဆေးရာတွင် အစားအသောက်၊ လူသုံးကုန်နှင့် အခြား ကုန်စည်များ၏ ထုတ်ပိုးမှုအပေါ် ကုန်အညွှန်းအမှတ်အသားများ ပြည့်စုံစွာ ဖော်ပြထားခြင်း ရှိ/မရှိ၊ စားသုံးသူများအတွက် လိုအပ်သည့် သတင်းအချက်အလက်များ မှန်ကန်ရှင်းလင်းစွာ ဖော်ပြထားခြင်း ရှိ/မရှိ တို့ကို စစ်ဆေးခဲ့ကြောင်း သိရသည်။
DOCA (မွန်)