ကလေးခရိုင်ဦးစီးမှူးရုံးမှ ဝန်ထမ်းများသည် ( ၂၁.၁၂.၂၀၂၂ ) ရက်နေ့တွင် ကလေးဝမြို့နှင့် ဟုမ္မလင်းမြို့များတွင် ရောင်းချလျက်ရှိသော ကုန်စုံဆိုင်များသို့ သွားရောက်၍ ဈေးကွက်စောင့်ကြည့်စစ်ဆေးခြင်းလုပ်ငန်းများ ဆောင်ရွက်ခဲ့ပါသည်။
အဆိုပါ ကွင်းဆင်းစစ်ဆေးရာတွင် ကလေးဝမြို့နှင့် ဟုမ္မလင်းမြို့ရှိ ရပ်ကွက်များအတွင်း ရောင်းချနေသည့် စားသောက်ကုန်စည်များတွင် ကုန်ညွှန်းအမှတ်အသားများ ပြည့်စုံစွာဖော်ပြထားခြင်း ရှိ/မရှိနှင့် စားသုံးရန်မသင့်သည့် အစားအသောက်များ ရောင်းချခြင်း ရှိ/မရှိကို အဓိကထား၍ စည်ပင်သာယာဈေးနှင့် ရပ်ကွက်များသို့ လစဉ် ဈေးကွက်စောင့်ကြည့် စစ်ဆေးခြင်းများ ဆောင်ရွက်လျက်ရှိကြောင်း သိရှိရပါသည်။
ယခုလအတွင်း ကလေးဝမြို့တွင် စည်ပင်သာယာဈေးအတွင်း ရောင်းချနေသည့် ကုန်စုံဆိုင်များသို့လည်းကောင်း ဟုမ္မလင်းမြို့တွင် ခိုပဲဝရပ်ကွက်အတွင်း ရောင်းချနေသည့် ကုန်စုံဆိုင်သို့လည်းကောင်း အသင့်စားခေါက်ဆွဲခြောက်များတွင် ကုန်အညွှန်းအမှတ်အသားများ ပြည့်စုံစွာ ဖော်ပြထားရှိခြင်း ရှိ/မရှိကို စစ်ဆေးခဲ့ကြောင်း သိရှိရပါသည်။
DOCA(စစ်ကိုင်း)