ကလေးခရိုင်ဦးစီးမှူးရုံး နယ်မြေအတွင်း ဖောင်းပြင်မြို့၊အင်ကြင်းမြိုင်ရပ်ကွက်ရှိ ကုန်စုံဆိုင်များအား ၂၀၂၂ ခုနှစ်၊ ဒီဇင်ဘာလ ( ၁၉ ) ရက်နေ့တွင် ဈေးကွက်စောင့်ကြည့် စစ်ဆေးခြင်းလုပ်ငန်း ဆောင်ရွက်ခဲ့ပါသည်။
ဈေးကွက်စောင့်ကြည့်စစ်ဆေးခြင်းလုပ်ငန်း ဆောင်ရွက်ရာတွင် ကုန်ညွှန်းအမှတ် အသားများ ပြည့်စုံစွာ ဖော်ပြထားခြင်း ရှိ/မရှိနှင့် စားသုံးရန်မသင့်သည့် အစားအသောက်များ ရောင်းချခြင်း ရှိ/မရှိကို စည်ပင်သာယာဈေးနှင့် ရပ်ကွက်များသို့သွားရောက်၍ လစဉ်ကွင်းဆင်း စစ်ဆေးခြင်းများ ဆောင်ရွက်လျက်ရှိပါကြောင်း သိရှိရပါသည်။
သွားရောက်စစ်ဆေးရာတွင် လူအများစုအသုံးပြုသော စားသောက်ကုန်များ၊ လူသုံးကုန်ပစ္စည်းများကို ဦးစားပေးဆောင်ရွက်လျက်ရှိပြီး ယခုလအတွင်း လူသုံးကုန်ပစ္စည်းဖြစ်သည့် ဆပ်ပြာခဲကို စစ်ဆေးခဲ့ပြီး ယင်းအမှတ်တံဆိပ်သည် မြန်မာနိုင်ငံ စားသုံးသူကာကွယ်ရေးကော်မရှင် ညွှန်ကြားချက်အမှတ် ( ၂/၂၀၁၉ )နှင့်အညီ စီးပွားရေး ကုန်ညွှန်းအမှတ်အသားများ ပြည့်စုံစွာဖော်ပြပါရှိပြီး စားသုံးသူကာကွယ်ရေးဥပဒေနှင့်အညီ လိုက်နာဆောင်ရွက်မှုများ ရှိလာသည်ကိုတွေ့ရှိရကြောင်း လေ့လာသိရှိရပါသည်။
DOCA(စစ်ကိုင်း)