စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မြင်းခြံခရိုင် ဦးစီးမှူး၊ဦးမောင်ထူးမှ ဦးဆောင်၍ မြင်းခြံမြို့နယ်တာဝန်ခံ ဦးတင်ဇော်ထွေးနှင့်အတူ ဝန်ထမ်းများမှ ၁၈-၁၂-၂၀၂၂ နေ့၊ နံနက်(၀၉:၃၀)အချိန်တွင် မြင်းခြံမြို့၊ အမှတ်(၁)ရပ်ကွက်၊ အခြေခံပညာအထက်တန်း ကျောင်း(အ.ထ.က-၃)ရှိ ဆရာ/ဆရာမနှင့် ကျောင်းသား/ကျောင်းသူ(၂၅၀)ဦးအား စားသုံးသူကာကွယ် ရေးအသိပညာပေးဟောပြောပွဲဆောင်ရွက်ခဲ့ပါသည်။
အဆိုပါဟောပြောပွဲတွင် ခရိုင်ဦးစီးမှူး၊ ဦးမောင်ထူးမှ အဖွင့်အမှာစကားပြောကြားခဲ့ပြီး မြို့နယ်တာဝန်ခံ ဦးတင်ဇော်ထွေး မှ စားသုံးသူကာကွယ်ရေးဥပဒေပါ စားသုံးသူ၏ အခွင့်အရေး နှင့်တာဝန်များအကြောင်း၊ ကုန်စည်များတွင် ကုန်စည်အမျိုးအစားအလိုက် ထည့်သွင်းဖော်ပြရမည့် ကုန်အညွှန်းအမှတ်အသားများအကြောင်း၊ ကုန်အညွှန်းအမှတ်သားဆိုသည် မှာ ကုန်စည် သို့မဟုတ် ကုန်စည်ထုပ်ပိုးမှုအပြင်အဆင်ပေါ်တွင် စာဖြင့်ရေးသား၍ဖြစ်စေ၊ ရုပ်ပုံဖြင့်ဖြစ်စေ၊ အခြားနည်း တစ်ရပ်ရပ်ဖြင့်ဖြစ်စေ ဖော်ပြထားသည့် ကုန်စည်နှင့်သက်ဆိုင်သည့် အချက်အလက် သို့မဟုတ် အမှတ်အသားကို ဆိုလိုတာဖြစ်ကြောင်း၊ နစ်နာဆုံးရှုံးမှုဆိုသည်မှာက ကုန်စည် သို့မဟုတ် ဝန်ဆောင်မှုနှင့်စပ်လျဉ်း၍ စားသုံးသူ၏ ရုပ်ပိုင်းဆိုင်ရာကိုဖြစ်စေ၊ စိတ်ပိုင်းဆိုင်ရာကိုဖြစ်စေ၊ ဂုဏ်သိက္ခာကိုဖြစ်စေ၊ နာမည်ဂုဏ်သတင်းကိုဖြစ်စေ၊ ပိုင်ဆိုင်မှုတစ်ရပ်ကိုဖြစ်စေ ထိခိုက်စေခြင်းကို ဆိုလိုတာဖြစ်ကြောင်း၊ ကုန်စည်နှင့်ဝန်ဆောင်မှုများ ဝယ်ယူသုံးစွဲရာတွင် နစ်နာဆုံးရှုံးမှုများရှိပါက အရေးဆိုတိုင်ကြားနိုင်ကြောင်းနှင့် တိုင်ကြားနိုင်သည့် နေရာများ၊ ဖုန်းနံပါတ်များ၊ နည်းလမ်းများ အကြောင်း၊ ကျောင်းသား၊ကျောင်းသူများအနေဖြင့် အသင့်စားမုန့်အမျိုးမျိုးကို ဝယ်ယူစားသုံးရာတွင် ထုတ်လုပ်သည့်ရက်စွဲ၊ သက်တမ်းကုန်ဆုံးမည့်ရက်စွဲများကို ကြည့်ရှုကြရန်လိုအပ်ပြီး၊ မြန်မာဘာသာဖြင့် ထည့်သွင်းဖော်ပြထားသော မုန့်ပဲသွားရည်စာများနှင့် ကုန်စည်များကိုသာ ရွေးချယ်ဝယ်ယူ စားသောက်သုံးစွဲတက်စေရန်နှင့် သေသေချာချာသဘောပေါက်နားလည်စေရေး လက်တွေ့သရုပ်ပြအနေဖြင့် ကျောင်းသား/ကျောင်းသူ(၆)ဦးအား ကုန်စည်(၆)မျိုးကို ကံစမ်းမဲဖောက်၍ မိမိရရှိသော ကုန်စည်တွင် မြန်မာလိုဖော်ပြပါဝင်သော ကုန်အညွှန်းအမှတ်သားများအား သေချာစွာဖတ်ပြစေခြင်းများဆောင်ရွက်၍ အကျယ်တဝင့် ဟောပြောဆွေးနွေးခဲ့ပြီး စားသုံးသူကာကွယ်ရေး ဆိုင်ရာလက်ကမ်း စာစောင်များဖြန့်ဝေပေးခြင်းများ ဆောင်ရွက်ခဲ့ရာ ကျောင်းအုပ်ဆရာမကြီးမှ ကျေးဇူးတင်စကား ပြောကြားခဲ့ကြောင်း သိရှိရပါသည်။
DOCA(မန္တလေး)