စားသုံးသူရေးရာဦးစီးဌာန၊ ကယားပြည်နယ်ဦးစီးမှူးရုံးမှ ဝန်ထမ်းများသည် ၂၀၂၂ ခုနှစ်၊ ဒီဇင်ဘာလ(၂၃) ရက်နေ့ ၊ နံနက် (၁၀:၀၀)နာရီအချိန်တွင် လွိုင်ကော်မြို့၊ ဈေးပိုင်းရပ်ကွက်၊ ရွှေတောင်ရပ်ကွက်၊ ရှမ်းပိုင်းရပ်ကွက်နှင့် သီရိမင်္ဂလာဈေးရှိ ဆေးဝါးဖြန့်ဖြူးရောင်းချနေသော ဆေးဆိုင်များတွင် Diclon-M Tablet (Diclofenac Sodium 50mg, Paracetamol 500g) နှင့်ပုံစံတူဆေးဝါးများတရားဝင်မှတ်ပုံတင်ထားခြင်းမရှိဘဲရောင်းချခြင်းရှိ/မရှိ မြို့နယ်အထွေထွေ အုပ်ချုပ်ရေးဦးစီးဌာန၊ မြို့နယ်စည်ပင်သာယာရေးအဖွဲ့၊ အစားအသောက်နှင့်ဆေးဝါးကွပ်ကဲရေးဦးစီးဌာန၊ မြို့နယ်ပြည်သူ့ကျန်းမာရေး၊ မြို့နယ်ရဲတပ်ဖွဲ့မှူးရုံးတို့နှင့် ပူးပေါင်း၍ ဈေးကွက်စောင့် ကြည့်ကွင်းဆင်းစစ်ဆေးခြင်း ဆောင်ရွက်ခဲ့ပါသည်။
ထိုသို့ဈေးကွက်စောင့်ကြည့်စစ်ဆေးရာတွင် လွိုင်ကော်မြို့ပေါ်ရှိ ဆေးဆိုင်များတွင် ရောင်းချနေသောဆေးဝါးများမှာရန်ကုန်မြို့၊ မန္တလေးမြို့နှင့်တောင်ကြီးမြို့များမှ အများစုတင်သွင်းရောင်းချလျက်ရှိပြီး တရားဝင်မှတ်ပုံတင်ထားသော Diclon-M Tablet ဆေးဝါးများကိုသာ ရောင်းချဖြန့်ဖြူးလျက်ရှိကြောင်း စစ်ဆေးတွေ့ရှိရပြီးဆေးဆိုင်ပိုင်ရှင်များအနေဖြင့် အစားအသောက်နှင့်ဆေးဝါးကွပ်ကဲရေးဦးစီးဌာနတွင် တရားဝင်မှတ်ပုံတင်ထားသော ဆေးဝါးများသာ တင်သွင်းရောင်းချဖြန်ဖြူးကြရန်၊ မှတ်ပုံတင်ထားခြင်းမရှိသော Diclon-M ပုံစံတူ ဆေးဝါးများကို တရားမဝင်တင်သွင်းရောင်းချခြင်း မပြုကြရန်နှင့်ပုံစံတူဆေးဝါးများ ဈေးကွက်အတွင်းတွေ့ရှိပါက သက်ဆိုင်ရာဥပဒေအရအရေးယူခံရမည်ဖြစ်ကြောင်း ဆေးဆိုင်(၁၂)ဆိုင်အား ကွင်းဆင်း အသိပေးဆောင်ရွက်ခဲ့ကြောင်း သတင်းရရှိပါသည်။
DOCA(ကယား)