၄.၉.၂၀၂၆ ရက်နေ့ နံနက် (၀၇:၀၀) နာရီအချိန်တွင် မွန်ပြည်နယ်၊ သထုံမြို့နယ်တွင် တရားမဝင်အေးခဲအသားများနှင့် အစားအသောက်များ၌ တားမြစ်ဓာတုဆိုးဆေးများ အသုံးပြု၍ ရောင်းချခြင်း ရှိ/မရှိအား တာဝန်ရှိသူများပူးပေါင်းကာ သထုံမြို့မဈေးအတွင်း ကွင်းဆင်းစစ်ဆေးခဲ့ကြသည်။
ထိုသို့ ကွင်းဆင်းစစ်ဆေးရာတွင် သထုံခရိုင်မွေးမြူရေးနှင့်ကုသရေးဦးစီးဌာနမှူး ဒေါက်တာဥမ္မာနှင်းနှင့် ခရိုင်ပြည်သူ့ကျန်းမာရေးဦးစီးဌာနမှူး ဒေါက်တာသန်းဦးတို့၏ ဦးဆောင်မှုဖြင့် တာဝန်ရှိသူများပူးပေါင်းကာ မြို့မဈေးအတွင်းရှိ အသား၊ ငါး အရောင်းဆိုင် များ၌ တရားမဝင်အေးခဲအသားများ ရောင်းချခြင်း ရှိ/မရှိနှင့် အသား၊ ငါးနှင့် အစား အသောက်ပစ္စည်းများ၌ တားမြစ်ဓာတုဆိုးဆေးများ အသုံးပြုခြင်း ရှိ/မရှိ တို့အား လိုက်လံ စစ်ဆေးကာ လိုအပ်သည်တို့ကို အသိပညာပေး ညှိနှိုင်းဆွေးနွေးခဲ့ကြသည်။
အဆိုပါ ကွင်းဆင်းစစ်ဆေးခြင်းကို ခရိုင်မွေးမြူရေးနှင့်ကုသရေးဦးစီးဌာန၊ ခရိုင် ပြည်သူ့ကျန်းမာရေးဦးစီးဌာန၊ ခရိုင်စားသုံးသူရေးရာဦးစီးဌာန၊ အထွေထွေအုပ်ချုပ်ရေးဦးစီး ဌာနနှင့် မြို့နယ်စည်ပင်သာယာရေးအဖွဲ့၊ မြို့နယ်ရဲတပ်ဖွဲ့နှင့် တာဝန်ရှိသူများ ပူးပေါင်း ဆောင်ရွက်ခဲ့ကြကြောင်း သိရသည်။
DOCA (မွန်)