ဒေသတွင်း စားသုံးဆီဖူလုံရေးနှင့် ဈေးနှုန်းတည်ငြိမ်ရေးအတွက် (14.7.၂၀၂၆) ရက်နေ့၊ နံနက် (၀၉:၀၀) နာရီအချိန်တွင် လားရှိုးမြို့နယ်၊ စားသုံးသူရေးရာဦးစီးဌာန၊ ဒုတိယပြည်နယ် ဦးစီးမှူးရုံးမှ စစ်ဆေးရေးအရာရှိနှင့် ဝန်ထမ်းများသည် လားရှိုးမြို့ရှိ စားအုန်းဆီအရောင်းဆိုင်များ သို့ ကွင်းဆင်းစစ်ဆေးခဲ့ကြောင်း သိရသည်။
အဆိုပါစစ်ဆေးမှုကို မြို့နယ်စည်ပင်သာယာရေးဦးစီးဌာန၊ အထွေထွေအုပ်ချုပ်ရေးဦးစီး ဌာနနှင့် မြန်မာနိုင်ငံရဲတပ်ဖွဲ့တို့ပါဝင်သော ပူးပေါင်းအဖွဲ့ဖြင့် ဆောင်ရွက်ခဲ့ကြောင်းသိရသည်။ ကွင်းဆင်းစစ်ဆေးချက်အရ အရောင်းဆိုင်များတွင် သတ်မှတ်ရည်ညွှန်းဈေးနှုန်းများကို သိသာ ထင်ရှားစွာ မြင်သာအောင် ဗီနိုင်းများချိတ်ဆွဲထားပြီး အလေးချိန် မှန်ကန်ပြည့်ဝစွာ ရောင်းချနေကြောင်း တွေ့ရှိရသည်။
ပူးပေါင်းစစ်ဆေးရေးအဖွဲ့မှ ဆိုင်ပိုင်ရှင်များအား ဈေးကစားရန်ရည်ရွယ်ချက်ဖြင့် သိုလှောင်ခြင်းများမပြုရန်နှင့် သတ်မှတ်ရည်ညွှန်းဈေးနှုန်းများဖြင့်သာ ဥပဒေနှင့်အညီရောင်းချရန် အသိပညာပေး လမ်းညွှန်မှာကြားခြင်းများ ပြုလုပ်ဆောင်ရွက်ခဲ့ကြောင်း သိရှိရပါသည်။
DOCA(ရှမ်း)