ကရင်ပြည်နယ်၊ဘားအံမြို့ရှိ မာန်အောင်ဈေးအတွင်းသို့ (၂၄-၇-၂၀၂၆)ရက်နေ့နံနက်(၁၁၀၀) နာရီအချိန်က စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနမှ ပြည်နယ်ဦးစီးမှူး ဦးဉာဏ်လင်း၊ အထွေထွေအုပ်ချုပ်ရေးဦးစီးဌာနမှ ဒု-ဦးစီးမှူး ဦးတင်မိုးသာ့၊ စားသုံးသူရေးရာဦးစီးဌာနမှ ဒု-ဦးစီးမှူး ဒေါ်ဇာခြည်အောင်နှင့် အငယ်တန်းစာရေး ဦးရန်အောင်ထွန်း တို့ပူးပေါင်းအဖွဲ့သည် ကြက်ဥ/ဘဲဥဆိုင်များသို့ သွားရောက်၍ ကွင်းဆင်းစစ်ဆေးမှုများပြုလုပ်ခဲ့ကြသည်။
ထို့သို့ကွင်းဆင်းစစ်ဆေးရာတွင်ပြည်သူများအတွက် အခြေခံစားသောက်ကုန်ဖြစ်သော ကြက် ဥနှင့် ဘဲဥများအား ဈေးနှုန်းမှန်ကန်စွာဖြင့်ရောင်းချနေမှုရှိစေရေး၊ ပြတ်လပ်မှုမရှိစေရေးနှင့် ဈေးကွက် အတွင်းတည်ငြိမ်မှန်ကန်သော ဈေးနှုန်းအတိုင်းရောင်းချစေရန်တို့ကို ကြည့်ရှုစစ်ဆေးခဲ့ကြသည်။ ထိုသို့စစ်ဆေးချက်အရ လက်ရှိဈေးကွက်အတွင်း ဖြစ်ပေါ်နေသော ဈေးနှုန်းများအနေဖြင့် ကြက်ဥဈေးနှုန်းမှာ (၆၀၀/၆၅၀)ကျပ်နှင့် ဘဲဥဈေးနှုန်းမှာ (၇၀၀)ကျပ်တို့ဖြင့်အသီးသီးရောင်းချလျက်ရှိကြောင်း သိရှိရသည်။ ယခုကဲ့သို့ တာဝန်ရှိသူများက ဈေးကွက်အတွင်းကွင်းဆင်းစစ်ဆေးခြင်း နှင့် ဈေးနှုန်းအခြေအနေများကို စာရင်းပြုစုကောက်ယူခြင်းဖြင့် စားသုံးသူပြည်သူများအတွက် သင့်တင့်မျှတသောဈေးနှုန်းဖြင့် ဝယ်ယူစားသုံးနိုင်ရန်နှင့် ကုန်စည်စီးဆင်းမှုမှန်ကန်စေရေးအတွက် အထောက်အကူပြုလျက်ရှိကြောင်း သတင်းရရှိသည်။
DOCA(ကရင်)