အများပြည်သူသို့ သက်သာသောဆေးနှုန်းဖြင့် ရောင်းချမည့်စားအုန်းဆီများ သက်ဆိုင်ရာ ဒေသများသို့ သတ်မှတ်အရေအတွက်အတိုင်း ပြည့်စုံမှန်ကန်စွာ ရောက်ရှိရရှိစေရေးအတွက် အစဉ် တစ်စိုက်စစ်ဆေး ကြီးကြပ်မှုများကို ဆောင်ရွက်လျက်ရှိရာ စားသုံးသူရေးရာဦးစီးဌာန၊ မြင်းခြံခရိုင်ဦးစီး မှူးရုံးမှ ဒု-ခရိုင်ဦးစီးမှူး ဦးတင်ဇော်ထွေး ဦးဆောင်၍ ဝန်ထမ်းများသည် ၁၃.၇.၂၀၂၆ ရက်နေ့၊ နေ့လယ် ၁၃:၃၀ နာရီ အချိန်တွင် ကားနံပါတ်-9H-4700 ဖြင့်တင်ဆောင်လာသော စားအုန်းဆီ (၇၃)ပေပါ ရောက်ရှိမှုအား ကွင်းဆင်းစစ်ဆေးခဲ့ကြောင်း သိရသည်။
တင်ဆောင်လာသောဆီပေပါများသည် သတ်မှတ်ထားသောဆီပေပါများဖြင့် ထည့်သွင်း သယ်ဆောင်မှုရှိ/မရှိ၊ စားအုန်းဆီပေပါလုံးရေ ပြည့်စုံမှန်ကန်မှုရှိမရှိ၊ ကားနံပါတ်နှင့်ယာဉ်မောင်းတို့၏ အမည်များပြည့်စုံမှန်ကန်မှုရှိ/မရှိ၊ လက်လီဆိုင်များသို့ ဖြန့်ခွဲမည့်ပေပါလုံးရေ စာရင်းများကိုက်ညီ မှုရှိ/မရှိတို့အား စိစစ်မှုများဆောင်ရွက်ခဲ့ပြီး အဆိုပါစားအုန်းဆီများကို အများပြည်သူသို့ သတ်မှတ် ရည်ညွှန်းဈေးများဖြင့် ရောင်းချနိုင်ရေး လက်လီအရောင်းဆိုင်များသို့ ဖြန့်ခွဲပို့ဆောင်သွားမည်ဖြစ် ကြောင်းနှင့် ရောင်းချရာတွင်လည်း မှန်(၆)မှန်နှင့်အညီရောင်းချစေနိုင်ရေး သက်ဆိုင်ရာတာဝန်ရှိသူများ နှင့်ပူးပေါင်း၍ စိစစ်ကြပ်မတ်ဆောင်ရွက်သွားမည်ဖြစ်ကြောင်း သိရသည်။
DOCA(မန္တလေး)