၂၀၂၅-၂၀၂၆ ခုနှစ်တွင် ထွက်ရှိခဲ့သည့် အထွက်နှုန်းတန်ချိန် ၃.၇၃ သိန်းထက် ၈ ရာခိုင်နှုန်း မြင့်တက်ကာ အောက်တိုဘာလမှစတင်၍ ၂၀၂၆-၂၀၂၇ သီးနှံရာသီတွင် ကော်ဖီတန်ချိန် ၄.၀၄ သိန်း ထွက်ရှိရန်မျှော်မှန်းထားကြောင်း ကော်ဖီဘုတ်အဖွဲ့က ခန့်မှန်းထားပါသည်။ မိုးကြိုမိုးရွာသွန်းမှုနှင့် အစောပိုင်းသီးနှံစိုက်ဧကတို့အရ ဖူးပွင့်ချိန်ပေါ်မူတည်၍ ဘုတ်အဖွဲ့က ပထမအကြိမ် အထွက်နှုန်း ကို ခန့်မှန်းထားခြင်းဖြစ်ကြောင်းသိရသည်။ နောက်ဆုံးအထွက်နှုန်းသည် ကနဦးခန့်မှန်းချက်ထက် လျော့နည်းနိုင်ကြောင်းဖော်ပြထားသည်။
၂၀၂၅-၂၀၂၆ ခုနှစ်တွင် ကော်ဖီတန်ချိန် ၄.၀၃ သိန်း ထွက်ရှိမည်ဟု ဘုတ်အဖွဲ့က ကနဦး ခန့်မှန်းခဲ့သော်လည်း နောက်ဆုံးခန့်မှန်းချက်အရ တန်ချိန် ၃.၃၇ သိန်းအထိ ကျဆင်းခဲ့ကြောင်း သိရသည်။ မနှစ်ကနောက်ဆုံးအထွက်နှုန်းခန့်မှန်းချက် ၁.၁၁ သိန်း ထက်ကျော်လွန်ကာ ၂၀၂၆-၂၀၂၇ ခုနှစ်တွင် အာရေဗီကာကော်ဖီတန်ချိန် ၁.၂ သိန်း ခန့်ထွက်ရှိမည်ဟုခန့်မှန်းထားပြီး ရိုဘတ်စတာ ကော်ဖီ အထွက်နှုန်းမှာ တန်ချိန် ၂.၂၆ သိန်း ထက်ကျော်လွန်ကာ တန်ချိန် ၂.၈၄ သိန်း ထွက်ရှိမည် ဟု ခန့်မှန်းထားကြောင်းသိရသည်။
Kodagu၊ Chikkamagaluru နှင့် Hassan စသည့် ပြည်နယ်များတွင် ကော်ဖီအထွက်နှုန်း မြင့်တက်နိုင်ကြောင်းခန့်မှန်းချက်နှင့်အတူ အိန္ဒိယ၏ ကော်ဖီစိုက်ပျိုးမှုအများဆုံး စိုက်ပျိုးသော ပြည်နယ်ဖြစ်သည့် Karnataka ပြည်နယ်တွင် ပြီးခဲ့သည့်နှစ်ကထွက်ရှိခဲ့သည့် တန်ချိန် ၂.၅၆ သိန်း ထက် ကျော်လွန်ကာ တန်ချိန် ၂.၇၉ သိန်း ထွက်ရှိမည်ဟုခန့်မှန်းထားကြောင်း သိရသည်။ ပြည်နယ် အတွင်း အာရေဗီကာတန်ချိန် ၈၄၀၁၅ ထွက်ရှိမည်ဟုခန့်မှန်းထားပြီး၊ ရိုဘတ်စတာတန်ချိန် ၁.၉၅ သိန်း ထွက်ရှိမည်ဟုခန့်မှန်းထားကြောင်းသိရသည်။
Source :The Hindu BusinessLine, 15 July 2026(လယ်ယာထွက်ကုန်များနှင့် အဓိကသွင်းကုန်များ၏ နိုင်ငံတကာဈေးကွက်စောင့်ကြည့်လေ့လာရေးအဖွဲ့)