စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ကျောက်ပန်း တောင်းမြို့နယ်တာဝန်ခံနှင့်ဝန်ထမ်းများသည် မြို့နယ်စည်ပင်သာယာရေးအဖွဲ့၊ မြို့နယ်မီးသတ် ဦးစီးဌာန၊ ပြည်သူ့ကျန်းမာရေး ဦးစီးဌာနတို့နှင့်ပူးပေါင်း၍ ၂၇-၆-၂၀၂၆ ရက်နေ့ နံနက် (၁၀:၀၀) နာရီအချိန်တွင် ကျောက်ပန်းတောင်းမြို့ရှိ စားသောက်ဆိုင်များသို့ကွင်းဆင်း၍ အစားအသောက်ရောင်း ချမှုများ၊ ဝန်ဆောင်မှုပေးခြင်းများနှင့်ပတ်သက်၍ သိရှိလိုက်နာဆောင်ရွက်ရမည့် အချက်များကို ကွင်းဆင်းစစ်ဆေး အသိပညာပေးဆောင်ရွက်ခဲ့ကြောင်း သိရှိရသည်။
စားသုံးသူရေးရာဦးစီးဌာန၊ မြို့နယ်တာဝန်ခံ ဒေါ်မြသန္တာထွန်း(ဒု-ဦးစီးမှူး)နှင့်အဖွဲ့သည် စားသောက်ဆိုင်များတွင် အစားအသောက်ထုတ်လုပ်ရောင်းချရာ၌ စားပွဲ၊ထိုင်ခုံများသန့်ရှင်းမှု ရှိစေရေး၊ အစားအသောက်ချက်ပြုတ်ရာတွင် အသုံးပြုသည့် အသုံးအဆောင်ပစ္စည်းများနှင့် ပါဝင်ပစ္စည်းများ သန့်ရှင်းမှုရှိစေရေး၊ အမှိုက်များနှင့်ရေဆိုးများအား စနစ်တကျစွန့်ပစ်စေရေး၊ ဆိုင်ဝန်ထမ်းများ၏ ကျန်းမာရေးဆေးစစ်မှုမှတ်တမ်းများ၊ ခေါင်းစွပ်များစွပ်ရန်၊ ဝန်ထမ်းများ၏ တစ်ကိုယ်ရည်သန့်ရှင်းမှု များအား အလေးထားဆောင်ရွက်စေနိုင်ရေး၊ သန့်ရှင်းလတ်ဆတ်သည့် အစားအသောက်များကိုသာ ရောင်းချစေရေး၊ စားသောက်ဖွယ်စာရင်းများတွင် ရောင်းချသည့်ဈေးနှုန်းများကို စားသုံးသူများ ကြိုတင်ဖတ်ရှုနိုင်စေရေးအတွက် ရေးသားဖော်ပြပေးရန်၊ အခန်းခ/ဝန်ဆောင်ခများ တောင်းခံပါက စားသုံးသူများ ကြိုတင်သိရှိနိုင်စေရန် မြင်သာအောင်ရေးသားဖော်ပြထားရှိခြင်းများရှိ/မရှိနှင့် မီးဘေး အန္တရာယ်အတွက် ကြိုတင်ပြင်ဆင်ထားရှိမှုတို့ကို စစ်ဆေးခဲ့ပြီး စားသုံးသူကာကွယ်ရေးဉပဒေပါ စီးပွားရေးလုပ်ငန်း၏ တာဝန်များ၊ ပြစ်မှုပြစ်ဒဏ်များအား အသိပေးပြောကြားခဲ့ကြောင်းသိရသည်။
DOCA(မန္တလေး)