၁.၇.၂၀၂၆ ရက်နေ့တွင် ရန်ကုန်မြို့တွင် နေထိုင်သူ စားသုံးသူတစ်ဦးက မော်လမြိုင်မြို့၊ မြို့ရှောင်လမ်း၊ ဘူတာအနီး၊ မြေနီကုန်းရပ်ကွက်ရှိ မိုတယ်တွင် တည်ခိုးရန် တစ်ယောက်ခန်းတစ်ခန်းစီစဉ်ပေးရန် သွားရောက်ငှားရမ်းခဲ့ရာ တစ်ယောက်ခန်းရရှိ နိုင်သော်လည်း ငှားရမ်းပေးရန် မန်နေဂျာမှ ငြင်းဆိုပြီး ဈေးပိုများသော နှစ်ယောက်ခန်းကိုသာ ငှားရမ်းပေးခြင်း၊ အဆင်ပြေအောင်စီစဉ်ပေးမည်ဟု ပြောဆိုခဲ့ သော်လည်း တည်းခိုခဲ့သည့် ၂ ရက်စာငွေကို (၂) ယောက်ခန်းအတွက်အပြည့်တောင်းပြီး တည်းခိုခန်းခအပြည့်အဝမရရှိသဖြင့် စားသုံးသူ၏ ယာဉ်မောင်း လိုင်စင်အား ပြန်မပေးဘဲ သိမ်းဆည်းထားပါသဖြင့် ယာဉ်မောင်းလိုင်စင်အား ပြန်လည်ရလိုပါကြောင်း ဖြေရှင်းပေးပါရန် စားသုံးသူရေးရာဦးစီးဌာနသို့ လူကိုယ်တိုင်လာရောက်၍ စာဖြင့် တိုင်ကြားလာခဲ့ပါသည်။
တိုင်ကြားမှုနှင့်ပတ်သက်၍ ဌာနမှတာဝန်ရှိသူများက မိုတယ်မန်နေဂျာနှင့် တွေ့ဆုံ ညှိနှိုင်းခဲ့ရာ စားသုံးသူအား တစ်ယောက်ခန်း ပြန်လဲပေးရန် စီစဉ်ထားသော်လည်း ၎င်းတို့အနေဖြင့်လိုအပ်ချက်များရှိသွားပါသဖြင့် စားသုံးသူနှင့် လုပ်ငန်းရှင်အကြား နားလည်မှုလွဲမှားခြင်းဖြစ်သွားပါကြောင်းပြောကြားခဲ့ပြီး လုပ်ငန်းရှင်ဘက်မှ စားသုံးသူ၏ ယာဉ်မောင်းလိုင်စင်အား ပြန်လည်ပေးအပ်ခဲ့ပါသည်။ စားသုံးသူကလည်း ၎င်း၏ ယာဉ်မောင်းလိုင်စင်ကို ပြန်လည်ရရှိသွားသဖြင့် ကျေနပ်မှုရှိပြီး အမှုအား ပြန်လည် ရုပ်သိမ်းသွားကြောင်း သိရှိရပါသည်။
စားသုံးသူရေးရာဦးစီးဌာနအနေဖြင့် ကုန်စည်/ဝန်ဆောင်မှုများနှင့် စပ်လျဉ်း၍ စားသုံးသူများ နစ်နာမှုရှိပါက တိုင်ကြားမှုများကို စားသုံးသူကာကွယ်ရေးဥပဒေနှင့်အညီ ဖြေရှင်းပေးလျက်ရှိကြောင်း သိရှိရပါသည်။
DOCA (မွန်)