ဇွန်လ ၂၇ရက်နေ့တွင်ကျရောက်သည့် ကမ္ဘာ့ MSME နေ့အထိမ်းအမှတ်ကိုကြိုဆို ဂုဏ်ပြုသောအားဖြင့် ကရင်ပြည်နယ်အစိုးရအဖွဲ့ကကြီးမှူးပြီး ကရင်ပြည်နယ်ဘားအံမြို့ အမှတ်(၅)ရပ်ကွက်၊ သပြေလမ်းတွင် MSME One Stop Service ရုံးအားဖွင့်လှစ်ပေးခဲ့ ကြောင်းသိရသည်။ အခမ်းအနားသို့ ကရင်ပြည်နယ်အစိုးရအဖွဲ့၊ လုံခြုံရေးနှင့်နယ်စပ်ရေးရာ ဝန်ကြီးနှင့် အစိုးရအဖွဲ့ဝင် ဝန်ကြီးများ၊ ပြည်နယ်၊ ခရိုင်အဆင့်ဌာနဆိုင်ရာများ ဖိတ်ကြား ထားသော MSME လုပ်ငန်းရှင်များ တက်ရောက်ခဲ့ကြသည်။
အဆိုပါကရင်ပြည်နယ် MSME One Stop Service ရုံးတွင် ဌာနဆိုင်ရာများဖြစ်သော အထွေထွေအုပ်ချုပ်ရေးဦးစီးဌာန၊ မြန်မာ့စီးပွားရေးဘဏ်၊ ကုမ္ပဏီများ၊ ရင်းနှီးမြှုပ်နှံမှုနှင့် ညွှန်ကြားမှူးဦးစီးဌာန၊ မြေစာရင်းဦးစီးဌာန၊ စည်ပင်သာယာရေးအဖွဲ့၊ ပတ်ဝန်းကျင်ထိန်းသိမ်း ရေးဝန်ကြီးဌာန၊ အသေးစားစက်မှုလက်မှုဦးစီးဌာန၊ စားသုံးသူရေးရာဦးစီးဌာန၊ စက်မှုကြီး ကြပ်စစ်ဆေးရေးဦးစီးဌာနတို့ပါဝင်ပြီး ပြည်သူများနှင့် လုပ်ငန်းရှင်များ၏တင်ပြလာသော လိုအပ်ချက်များအပေါ် ဌာနအလိုက် သက်ဆိုင်သော ရုံးလုပ်ငန်းဆိုင်ရာများကိုတစ်နေရာတည်း ဝန်ဆောင်မှုပေးနိုင်ရေး ဆောင်ရွက်သွားမည်ဖြစ်ကြောင်း သိရသည်။
စားသုံးသူရေးရာဦးစီးဌာနအနေဖြင့် အဆိုပါ MSME One Stop Service ရုံးတွင် ဌာနနှင့်သက်ဆိုင်သောကုန်စည်များပေါ်တွင် မြန်မာဘာသာဖြင့် ကုန်ညွှန်းအမှတ်အသား ဖော်ပြနိုင်ရေး၊ အွန်လိုင်းရောင်းဝယ်ရေးလုပ်ငန်းများအတွက် မှတ်ပုံတင်နိုင်ရေး၊ ဆန်စပါးသို လှောင်ရုံများတွင် MyRO တွင် မှတ်ပုံတင်နိုင်ရေး အချက်အလက်များ မျှဝေပေးသွားမည်ဖြစ်ကြောင်း သတင်းရရှိပါသည်။
DOCA(ကရင်)