၁၅.၆.၂၀၂၆ ရက်နေ့တွင် စားသုံးသူရေးရာဦးစီးဌာန၊ မွန်ပြည်နယ်၊ မော်လမြိုင်ခရိုင်၊ မော်လမြိုင်မြို့နယ်တာဝန်ခံ ဦးအောင်ညီညီခန့်သည် အစားအသောက်နှင့်ဆေးဝါးကြီးကြပ် ကွပ်ကဲရေးဦးစီးဌာန၊ မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာရေး အဖွဲ့တို့နှင့် ပူးပေါင်း၍ မော်လမြိုင်မြို့၊ သံလွင်ဈေးအတွင်းရှိ ကုန်စုံဆိုင်များ၌ ဦးစားပေးကုန်စည်ဖြစ်သော စည်သွပ်အစားအစာ အမျိုးမျိုးတို့အား ကုန်အညွှန်းအမှတ် အသား ပြည့်စုံစွာဖော်ပြထားမှု ရှိ/မရှိ ကွင်းဆင်းစစ်ဆေးခဲ့ပါသည်။
ထိုသို့ ကွင်းဆင်းစစ်ဆေးရာ ဦးစားပေးကုန်စည်ဖြစ်သော စည်သွပ်အစားအစာ အမျိုးမျိုးတို့တွင် ကုန်စည်အမည်၊ ထုတ်လုပ်သည့်ရက်စွဲ၊ သက်တမ်းကုန်ဆုံးရက်၊ ပါဝင် ပစ္စည်းများ၊ အသုံးပြုနည်းနှင့်သတိပြုရန်အချက်များ စသည့် ကုန်အညွှန်းအမှတ်အသား များကို ပြည့်စုံစွာဖော်ပြထားမှု ရှိ/မရှိအား စိစစ်စစ်ဆေးခဲ့ပြီး၊ လုပ်ငန်းရှင်များအား စားသုံးသူကာကွယ်ရေးဥပဒေနှင့်အညီ ကုန်အညွှန်းအမှတ်အသားများကို ပြည့်စုံမှန်ကန်စွာ ဖော်ပြရောင်းချကြရန် အသိပညာပေး ဆွေးနွေးမှာကြားခဲ့ကြောင်း သိရှိရပါသည်။
DOCA (မွန်)