စားသုံးသူရေးရာဦးစီးဌာန၊ သတင်းအချက်အလက်နည်းပညာနှင့် အရည်အသွေးစီမံခန့်ခွဲ ရေးဌာနခွဲ၊ ကုန်ပစ္စည်းစမ်းသပ်စစ်ဆေးရေးနှင့် အရည်အသွေးစီမံခန့်ခွဲမှုဌာနစု (လှည်းကူး) ၏ ဓာတ်ခွဲခန်းများမှ ၂၀၂၆ ခုနှစ်၊ ဧပြီလအတွင်း လုပ်ငန်းရှင် ၁၇ ဦးက အပ်နှံလာသော သီးနှံ အမျိုးအစား ၁၂ မျိုး၊ စုစုပေါင်းနမူနာအရေအတွက် ၁၁၁ ခု၊ ဓာတ်ခွဲစမ်းသပ်မှုပေါင်း ၁၄၇ ခုကို ဓာတ်ခွဲ စမ်းသပ်စစ်ဆေးခြင်းများ ဆောင်ရွက်နိုင်ခဲ့ပါသည်။
၂၀၂၆ ခုနှစ်၊ ဧပြီလအတွင်း လယ်ယာထွက်ကုန် ပို့ကုန်များအား တရုတ်၊ ဂျပန်နှင့် United Kingdom နိုင်ငံများသို့ တင်ပို့နိုင်ရေးအတွက် ဆန်ဖြူ၊ ဆန်ကွဲ၊ နှမ်းနက်သိပ္ပံ၊ ပဲတီစိမ်း၊ မတ်ပဲ၊ ပဲလွန်း၊ ပဲယင်းနှင့် ပဲထောပတ်တို့တွင် ပိုးသတ်ဆေးဓာတ်ကြွင်းပါရှိမှု၊ မှိုဆိပ်ပါရှိမှု၊ သီးနှံဓာတု အရည်အသွေးနှင့် သီးနှံရူပအရည်အသွေးစသည့် ဓာတ်ခွဲစမ်းသပ် စစ်ဆေးခြင်းများ ဆောင်ရွက်ခဲ့ ပါသည်။
ဓာတ်ခွဲခန်းအလိုက် ဓာတ်ခွဲစမ်းသပ်မှုအနေဖြင့် ပိုးသတ်ဆေးဓာတ်ကြွင်းဓာတ်ခွဲခန်းမှ ၁၁၀ ခု၊ မှိုဆိပ်ဓာတ်ခွဲခန်းမှ ၁၆ ခု၊ ဆီနှင့်ဆီထွက်သီးနှံဓာတ်ခွဲခန်းမှ ၁၄ ခု၊ သီးနှံဓာတု ဓာတ်ခွဲခန်း မှ ၇ ခု စုစုပေါင်းဓာတ်ခွဲစမ်းသပ်မှု ၁၄၇ ခု ဆောင်ရွက်နိုင်ခဲ့ပါသည်။