စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မြင်းခြံခရိုင်ဦးစီးမှူး ဦးသန်းစိုး(လက်ထောက်ညွှန်ကြားရေးမှူး)နှင့် စစ်ဆေးရေးမှူးများသည် (၂၃.၃.၂၀၂၆)ရက်နေ့၊ နံနက် ၀၈:၀၀ နာရီအချိန်တွင် ထုတ်ကုန်များလုံခြုံစိတ်ချရမှုရှိစေရေးနှင့် MSME လုပ်ငန်းများ ဖွံ့ဖြိုး တိုးတက်စေရေးတို့အတွက် မြင်းခြံမြို့ရှိ ပဲကြော်နှင့်မုန့်မျိုးစုံလုပ်ငန်းခွင်များသို့ ကွင်းဆင်းစစ်ဆေး ဆောင်ရွက်ခဲ့ပါသည်။
ကွင်းဆင်းဆောင်ရွက်ရာတွင် ခရိုင်ဦးစီးမှူးနှင့်ဝန်ထမ်းများသည် ကုန်စည်ထုတ်လုပ်မှုလုပ်ငန်း ခွင်များတွင် စားသုံးသူများ ဘေးအန္တရာယ်ကင်းရှင်းစေရန် ထုတ်လုပ်သည့်ကုန်ကြမ်းပစ္စည်းများမှစ၍ အရည်အသွေးကောင်းမွန်ပြီး သန့်ရှင်းသပ်ရပ်စွာ သုံးစွဲထုတ်လုပ်မှုရှိ/မရှိ ထုတ်လုပ်သည့်လုပ်ငန်းစဉ် တလျှောက်တွင်လည်း အသုံးပြုရသည့် ပစ္စည်းများသန့်ရှင်းစင်ကြယ်မှုနှင့် ထုတ်လုပ်မှုလုပ်ငန်းခွင်ရှိ အစားအစာများကို ထိတွေ့ပြုလုပ်သူ လူပုဂ္ဂိုလ်များမှာလည်း သန့်ရှင်းသပ်ရပ်ပြီး၊ ကျန်းမာရေးကောင်း မွန်မှုရှိ/မရှိ စားသုံးသူကာကွယ်ရေးဥပဒေပါ ကုန်အညွှန်းအမှတ်အသားများ ဖော်ပြခြင်းနှင့်စပ်လျဉ်း၍ ကုန်စည်အမျိုးအစားအလိုက် သတ်မှတ်ချက်များနှင့်အညီဖော်ပြရမည့် အချက်များပြည့်စုံမှန်ကန်မှုရှိ/ မရှိနှင့် လုပ်ငန်းရှင်များအနေဖြင့် မိမိထုတ်လုပ်သော ကုန်စည်နှင့်ပတ်သက်၍ စားသုံးသူမှ တစ်စုံတစ်ခု ထိခိုက်နစ်နာဆုံးရှုံးမှုများရှိလာပြီး အရေးဆိုတိုင်ကြားလာသည့်အခါဖြစ်စေ၊ ဥပဒေပါပြဌာန်းချက် များကိုလိုက်နာမှုမရှိလျှင်ဖြစ်စေ စစ်ဆေးအရေး ယူမှုများရှိ၍ စနစ်တကျထုတ်လုပ်ကြရန်လိုအပ် ပါကြောင်း၊ ကုန်စည်နှင့်သက်ဆိုင်သည့် ဖော်ပြပါဝင်ရမည့် ကုန်အညွှန်းအမှတ်အသားများသည် ကုန်စည်၏ အရေးပါသောအခန်းကဏ္ဍဖြစ်၍ ဥပပါပြဌာန်းချက်များအား သိရှိလိုက်နာကြရန်မှာကြား၍ ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ရာ လုပ်ငန်းရှင်များမှလည်း လေးစားလိုက်နာ ဆောင်ရွက်လျက်ရှိပါသည်။
DOCA(မန္တလေး)