တနင်္သာရီတိုင်းဒေသကြီး၊ မြိတ်ခရိုင်ကုန်စျေးနှုန်းတည်ငြိမ်ရေးအဖွဲ့များဖြစ်သော စားသုံးသူ ရေးရာဦးစီးဌာန၊ အထူးစုံစမ်းစစ်ဆေးရေးဦးစီးဌာန၊ ခရိုင်ပြည်သူ့ကျန်းမာရေးဦးစီးဌာန၊ ခရိုင်စီမံကိန်း ဦးစီးဌာန၊ စိုက်ပျိုးရေးဦးစီးဌာန၊ ဗဟိုစာရင်းအင်းအဖွဲ့နှင့် မြို့နယ်စည်ပင်သာယာရေးအဖွဲ့တို့မှ ပူးပေါင်း၍ ၂၀၂၆ခုနှစ်၊ မတ်လ(၂၀)ရက်နေ့တွင် မြိတ်မြို့၊ တောရကျောင်းရပ်၊ ရှမ်းချောင်းလမ်းရှိ ဆန်နှင့်ဆီအရောင်းဆိုင်များအား ကွင်းဆင်းစစ်ဆေးခဲ့ကြကြောင်း သိရှိရပါသည်။
ကွင်းဆင်းစစ်ဆေးရာတွင် မြိတ်မြို့ဆန်အရောင်ဆိုင်များတွင် ရောင်းချနေသော ဆန်စျေးနှုန်း များအား စစ်ဆေးခဲ့ကြပြီး ဒေသတွင်းဖြစ်သင့်ဖြစ်ထိုက်သော စျေးနှုန်းများဖြင့် ရောင်းချမှုရှိစေရန်၊ စျေးကစားရန်ရည်ရွယ်ချက်ဖြင့် သိုလှောင်ထားခြင်းမျိုးမရှိစေရန် စစ်ဆေးခဲ့ကြပြီး မြိတ်မြို့၊ ရှမ်း ချောင်းရပ်နှင့် တောရကျောင်းရပ်ရှိ ဆီအရောင်းဆိုင်များအား သတ်မှတ်ရည်ညွှန်းစျေးနှုန်းများ အတိုင်း ရောင်းချမှုရှိစေရန်နှင့် အလေးချိန်မှန်ကန်စွာဖြင့်ရောင်းချရန် ပြောကြားခဲ့ကြောင်း သိရှိရ ပါသည်။
DOCA(တနင်္သာရီ)