စားသုံးသူရေးရာဦးစီးဌာန၊ စစ်ကိုင်းခရိုင်ဦးစီးမှူးရုံးသည် ဈေးကွက်အတွင်း ဖြန့်ဖြူးရောင်းချ လျက်ရှိသော ဆားများ၌ အိုင်အိုဒင်းပါဝင်မှု ပြည့်မီခြင်း ရှိ၊ မရှိ သတ္တုတွင်းဦးစီးဌာနမှ စစ်ဆေးဆောင်ရွက်သည့် လုပ်ငန်းစဉ်များတွင် ပူးပေါင်းကွင်းဆင်းစစ်ဆေးဆောင်ရွက်ရန် ညွှန်ကြားချက်အရ ၂၀၂၆ ခုနှစ်၊ ဖေဖေါ်ဝါရီလ ၁၁ ရက်နေ့တွင် စစ်ကိုင်းခရိုင်ဦးစီးမှူးနှင့် ဝန်ထမ်း(၂)ဦးသည် သတ္တုတွင်း ဦးစီးဌာန(ဆားလုပ်ငန်းဌာနခွဲ)မှ တာဝန်ရှိသူများနှင့်အတူ စစ်ကိုင်းမြို့၊ မြို့မဈေးအတွင်းရှိ ကုန်မျိုးစုံဆိုင် များသို့ ကွင်းဆင်း၍ ရောင်းချနေသော ဆားများ၌ အိုင်အိုဒင်းပါဝင်မှု ပြည့်မီခြင်း ရှိ၊ မရှိ စစ်ဆေး ခဲ့ပါသည်။
ထိုသို့ ကွင်းဆင်းစစ်ဆေးခဲ့ရာ “စိန်မေတ္တာမွန်” အမှတ်တံဆိပ်၊ “ဆန်းသစ်” အမှတ်တံဆိပ် အိုင်အိုဒင်းဆားထုပ်များ ရောင်းချသည်ကို စစ်ဆေးတွေ့ရှိခဲ့ပြီး သတ္တုတွင်းဦးစီးဌာန (ဆားလုပ်ငန်း ဌာနခွဲ)မှ တာဝန်ရှိသူက ဆိုင်ပိုင်ရှင်များအား အိုင်အိုဒင်းပါဝင်မှု ပြည့်မီသည့် ဆားများသာ ရောင်းချခွင့် ရှိကြောင်း၊ အိုင်အိုဒင်းပါဝင်မှု မပြည့်မီသည့် ဆားများ ရောင်းချသည်ကို စစ်ဆေးတွေ့ရှိပါက လုပ်ငန်းရှင် အား ပြန်လည်သိမ်းဆည်းစေမည်ဖြစ်ကြောင်း ရှင်းလင်းပြောကြားခဲ့ပြီး စားသုံးသူရေးရာဦးစီးဌာနမှတာဝန်ရှိသူကမြန်မာနိုင်ငံစားသုံးသူကာကွယ်ရေးကော်မရှင်က ထုတ်ပြန်ထားသည့် (၂/၂၀၁၉) ညွှန်ကြားချက်ပါ အသေးစိတ် အချက်အလက်များ၊ စားသုံးသူကာကွယ်ရေးဥပဒေ အခန်း (၁၀)ပါ စီးပွားရေးလုပ်ငန်းရှင်၏ တာဝန်များ၊ ဥပဒေအခန်း (၁၁) ပါ ကုန်စည်နှင့်စပ်လျဉ်း၍ အာမခံချက် ပေးခြင်းဆိုင်ရာအချက်အလက်များ ရှင်းလင်းပြောကြားခဲ့ကြောင်း သတင်းရရှိပါသည်။
DOCA(စစ်ကိုင်း)