ဧရာဝတီတိုင်းဒေသကြီး၊ မအူပင်ခရိုင်၊ မအူပင်မြို့နယ်သည် ဟင်းသီးဟင်းရွက် သီးနှံမျိုးစုံစိုက်ပျိုးလျက်ရှိရာ စားဖိုဆောင်သီးနှံများကို ရာသီချိန်အလိုက် စိုက်ပျိုးကြကြောင်း၊ မုန့်ညှင်းရွက်ကို မြို့ပေါ်ရပ်ကွက်များရှိခြံမြေတွင် တစ်ပိုင်တစ်နိုင်စိုက်ပျိုးသူများပြားကြောင်း သိရသည်။ မအူပင်မြို့နယ်အတွင်းရှိ ကျေးရွာများတွင်လည်း မိမိတို့နေအိမ်ခြံဝင်းများ၊ ယာကွက်များတွင် တစ်နိုင်တစ်ပိုင် စိုက်ပျိုးကြကြောင်း သိရှိရသည်။
မုန့်ညှင်းရောင်းချမှု ဈေးကွက်အနေဖြင့် ၂၀၂၆ခုနှစ်၊ ဖေဖော်ဝါရီလ ၁ရက်နေ့တွင် အခွန်လွတ်ဈေးနှုန်း၊ မင်္ဂလာဈေးတွင် လက်လီဈေး မုန့်ညှင်းချဉ်(၁)ထုတ် လျှင်(၁၂၀၀)ကျပ်၊ မုန့်ညှင်းရွက် ၁စီးလျှင် (၄၀၀) ကျပ်၊ (၅)စီးလျှင်(၂၀၀၀)ကျပ်၊ လက်လီဈေးအနေဖြင့် မုန့်ညှင်းချဉ် ၁ထုတ်လျှင်( ၁၅၀၀)ကျပ်၊ မုန့်ညှင်းစိမ်း ၁စီးလျှင် (၅၀၀)ကျပ်၊ (၅)စီးလျှင် (၂၅၀၀)ကျပ်ဖြင့် ရောင်းချလျက်ရှိကြောင်း ယခင် ဇန်နဝါရီလ ဈေးနှုန်းများနှင့်နှိုင်းယှဉ်ပါက ယခုပတ်အတွင်း မုန့်ညှင်းစိမ်းရွက်(၁)စီးလျှင် (၂၀၀)ကျပ်ကျဆင်းလာပြီး မုန့်ညှင်းချဉ်ဈေးမှာ ပုံမှန်တည်ငြိမ်လျက်ရှိကြောင်း ဟင်းသီးဟင်းရွက်ရောင်းချသူများထံမှ သိရှိရပါသည်။
DOCA(ဧရာဝတီ)