စားသုံးသူရေးရာဦးစီးဌာနသည် စားသုံးသူများကုန်စည်နှင့်ဝန်ဆောင်မှုကို သုံးစွဲရာတွင် ထိခိုက် နစ်နာဆုံးရှုံးမှုများ မဖြစ်ပေါ်စေရေးအတွက် ဈေးကွက်စောင့်ကြည့်စစ်ဆေးခြင်းများကို နေရာစုံ၌ အသိပညာဟောပြောဆွေးနွေးခြင်း၊ ဈေးကွက်စောင့်ကြည့်စစ်ဆေးခြင်းများကို ဆောင်ရွက်လျက် ရှိသလို၊ ပြည်တွင်းကုန်သွယ်မှုလုပ်ငန်းများ ဖွွံ့ဖြိုးတိုးတက်ရေး၊ ကုန်ဈေးနှုန်းတည်ငြိမ်ရေးများကိုလည်း ပူးတွဲဆောင်ရွက်လျက်ရှိပါသည်။
စီးပွားရေးကဏ္ဍတွင် ကုန်စည်စီးဆင်းမှု လွယ်ကူချောမွေ့စေခြင်း၊ ကုန်စည်ဈေးနှုန်း တည်ငြိမ် ခြင်းတို့သည် ပြည်သူများ၏ နေထိုင်စားသောက်ရေးနှင့် လူမှုစီးပွားဘဝဖွံ့ဖြိုးတိုးတက်မှုအတွက် အရေး ကြီးသည့်သော့ချက်ဖြစ်ရာ ကုန်ပစ္စည်းများတစ်နေရာမှတစ်နေရာသို့ အဟန့်အတားမရှိ လျင်မြန်စွာ ရောက်ရှိနိုင်ရေးနှင့်ကုန်စည်စီးဆင်းမှု လွယ်ကူချောမွေ့ပြီး တည်ငြိမ်သည့်ကုန်စည်ဈေးနှုန်းစနစ်ကို ရေရှည်တည်ဆောက်နိုင်ရေးများကို ဆောင်ရွက်သွားရန် ပြည်ထောင်စုအစိုးရအဖွဲ့မှလည်း လမ်းညွှန် ထားရှိရာ စားသုံးသူရေးရာဦးစီးဌာန ညောင်ဦးခရိုင်တာဝန်ခံသည် (၇.၁.၂၀၂၆)ရက်နေ့၊ နေ့လည် ၁၄:၀၀ နာရီအချိန်တွင် ညောင်ဦးမြို့ပေါ်ရှိ ကားပစ္စည်းအရောင်းဆိုင်များတွင် ရောင်းချနေသော ကားတာယာအမျိုးအစားအလိုက် ယခင်၊ ယခုဖြစ်ပေါ်နေသော ဈေးနှုန်း၊ ဈေးကွက်အခြေအနေများနှင့် ဖြစ်သင့်ဖြစ်ထိုက်သော နှုန်းထားများဖြင့်ရောင်းချမှုရှိစေရေး ကွင်းဆင်းဆောင်ရွက်ခဲ့ပါသည်။
DOCA(မန္တလေး)