တနင်္သာရီတိုင်း၊ မြိတ်ခရိုင်သည် ဒေသထွက်ကုန်များ စိုက်ပျိုးသီးနှံများစိုက်ပျိုးနိုင်သည့် အပြင် သဘာဝအလျောက်ပေါက်ရောက်၍ ဒေသထွက်ကုန် ထုတ်လုပ်နိုင်သော အပင်များလည်း ရှိပေသည်။ စိုက်ပျိုးနိုင်သော သီးနှံများမှ အုန်းပင်သည် ဒေသတွင်း စီးပွားရေးဖြစ်လျက်ရှိပြီး နွေရာသီတွင် ထင် ပေါ်ကျော်ကြားသော အသီးတစ်မျိုးဖြစ်သည်။ အုန်းပင်မှ ထွက်ရှိသော အုန်းသီးကို အသုံးပြု၍ ဒေသတွင်း တစ်နိုင်တစ်ပိုင်စီးပွားရေးလုပ်ငန်းများ လုပ်ကိုင်လျက်ရှိပေသည်။ တစ်နိုင်တစ်ပိုင်စီးပွား ရေးလုပ်ငန်းဖြစ်သော ဒေသထွက်မုန့်လုပ်ငန်းများတွင် အုန်းသီးခြောက်အား အသုံးပြု၍ ပြုလုပ် ရောင်းချကြရပြီး ကျန်ရှိသော အုန်းသီးခြောက်ရည်များကို ယခင်က စျေးကွက်တွင်ပြန်လည်ရောင်း ချခြင်းမရှိသော်လည်း ယခုအခါ အုန်းသီးခြောက်ရည်များကို ပါကင်ပိတ်ထုတ်ပိုး၍ ပြန်လည်ရောင်းချ နေကြောင်းသိရှိရပါသည်။
အုန်းသီးခြောက်အရည်ကိုသောက်သုံးခြင်းအားဖြင့်အဆီဓာတ်ကအစာချေစနစ်ကို အထောက် အကူပြုစေပြီး ဝမ်းတွင်းအပူငြိမ်းစေနိုင်သည့်အပြင် နှလုံးကျန်းမာရေးကို သက်သာစေနိုင်ကြောင်း သိရှိရပါသည်။ လတ်ဆတ်မှုမရှိရင် ဝမ်းလျှော၊ ဝမ်းဗိုက်နာနိုင်ခြင်းကြောင့် လတ်ဆတ်သော အုန်း ခြောက်ရည်ကိုသာသုံးစွဲသင့်ကြောင်းသိရှိရပါသည်။ ဒေသတွင် အုန်းခြောက်ရည်ကို ၁လီတာဗူးများ ဖြင့် ရောင်းချလျက်ရှိပြီး စျေးနှုန်းအရ ၁၀၀၀-၁၅၀၀ ကျပ်ခန့်အထိစျေးပေါက်လျက်ရှိ ကြောင်းသိရှိရ ပါသည်။ ယခုအခါ မုန့်လုပ်ငန်းများမှ ထွက်ရှိလာသော အုန်းခြောက်ရည်အပိုသည် ဒေသတွင် စီးပွား ရေးအဖြစ် ထုတ်လုပ်လျက်ရှိပြီး အပိုဝင်ငွေများရရှိနေကြောင်း သိရှိရပါသည်။
DOCA(တနင်္သာရီ)