မြိတ်မြို့နယ်အတွင်းရှိ ရပ်ကွက်နှင့် ကျေးရွာများ၌ တို့ဟူးစိမ်းကိုပြုလုပ်ပြီး မိသားစု တစ်နိုင် တစ်ပိုင် စားဝတ်နေရေးအတွက် ဈေးများတွင် ပြုလုပ်ရောင်းချကြပါသည်။ တို့ဟူးစိမ်းများကို သရေ စာအဖြစ် အိမ်များတွင် ပြုလုပ်စားသုံးကြပါသည်။ တို့ဟူးကျိုရန်အတွက် ကျိုချက်ရာတွင် ပဲစိမ်းမှုန့်ကို အသုံးပြုကြောင်း၊ ပဲစိမ်းမှုန့်တစ်ဆ၊ ရေနှစ်ဆရောစပ်၍ ပဲစိမ်းမှုန့် အလုံးအခဲလေးတွေ မကျန်အောင် သေချာဖျော်ထားပြီး နာရီဝက်လောက် ခဏထားကြောင်း ၎င်းနောက် တို့ဟူးကျိုမည့်အိုးထဲသို့ ဇကာလေးနဲ့စစ်ထည့်ပြီး နနွင်းမှုန့်၊ ဆား၊ ဆီအနည်းငယ်ထည့် ပြီး မီးအနေတော်ဖြင့်ကျိုရကြောင်း၊ စကျိုသည့်အချိန်မှစ၍ နှစ်မိနစ်ခန့်ကြာလျှင် အလုံးအခဲလေး တွေစဖြစ်လာပါက အဆက်မပြတ်မွှေ ပေးရကြောင်း၊ စကျိုသည့်အချိန်မှစ၍ ဆယ်မိနစ်ခန့်ကြာ လျှင် ကြွက်မြီးတန်းလာပါက မီးဖိုပေါ်မှချ ရကြောင်း၊ ထို့နောက် အဆင်သင့်ဆီသုပ်ထားတဲ့ လင်ပန်း(သို့)ခွက်တစ်ခုထဲသို့ လောင်းထည့်ပြီး မျက်နှာပြင်ကိုညီအောင် ဆီသုတ်ထားသည့် ဇွန်း နှင့်ညှိပေးရကြောင်း၊ ပြီးနောက် သုံးနာရီအအေးခံ ထားပြီးပါက တို့ဟူးစိမ်းများရရှိကြောင်းသိရှိရပါသည်။ ဒေသထွက်တိုဟူးများကို ဈေးကွက်စျေးနှင့် ကျေးရွာများသို့ တင်ပို့ရောင်းချပြီး အိမ်တွင်းစားသုံးမှုအနေဖြင့်လည်းပြုလုပ်ကြကြောင်း သိရှိရပါ သည်။
၂၀၂၅ခုနှစ်၊ ဒီဇင်ဘာလ ဒုတိယပတ်တွင် မြိတ်မြို့ ဈေးကြီးများတွင် ရောင်းချနေသော တို့ဟူးစိမ်းလက်လီ၂၅ကျပ်သားလျှင် (၁၅၀၀) ကျပ်နှင့် လက်ကား တစ်ပိဿာ လျှင်(၅၅၀၀)ကျပ် ဖြင့် စားသုံးမှုများပြီး လူကြိုက်များကြောင်း၊ အရောင်းအဝယ်ကောင်းပြီး စီးပွားရေးအဆင်ပြေ လျက်ရှိ ကြောင်း တို့ဟူးစိမ်းရောင်းချသူ၏ ပြောပြချက်အရ သိရှိရပါသည်။
DOCA(တနင်္သာရီ)