ငါန်းဇွန်မြို့နယ်သည် ၂၀၂၅-၂၀၂၆ ခုနှစ် ဝါသီးနှံလျာထားဧက (၉၀၈၄)ဧက၊ ဝါသီးနှံစိုက်ဧက (၉၀၄၄) ဧကရှိရာ ယခု ဒီဇင်ဘာလဆန်းတွင် (၃၉၅)ဧက ရိတ်သိမ်းပြီးဖြစ်ကြောင်း၊ အထွက်နှုန်း (၅၃၅.၃၂)ပိဿာထွက်ရှိပြီး အထွက်ပေါင်း (၁၆၇၃၆၉)ပိဿာ ထွက်ရှိကြောင်း သိရသည်။ စိုက်ပျိုးသော မျိုးများမှာ ဝါကြီးမျိုး၊ မလှိုင်ဝါ နှင့် ချည်မျှင်ရှည်ဝါ မျိုးများကို စိုက်ပျိုးကြောင်း သိရသည်။ ငါန်းဇွန်မြို့နယ်တွင် ပေါ်စချိန် တစ်ပိဿာလျှင် (၄၀၀၀/၄၅၀၀)ကျပ်ဖြင့် တစ်ရက်လျှင် အချိန် (၅၀၀/၈၀၀) ပိဿာ အရောင်းအဝယ်ဖြစ်လျက်ရှိကြောင်း ဝါအရောင်းအဝယ်ဖြစ်သော ညောင်ချင်းကျေးရွာမှ ပွဲစားထံမှ သိရသည်။ ယခင်က ယက်ကန်းယက်သူများသောကြောင့် ဒေသတွင်းအသုံးပြုကြကြောင်း ယခုအခါတွင် ဒေသတွင်း ဝါကြိတ်ခွဲစက်များ မရှိသောကြောင့် ဒေသတွင်း အသုံးပြုမှု မရှိတော့ပါကြောင်း၊ ဝယ်ယူသောဝါများကို အခြောက်လှန်းခြင်း ပြုလုပ်ပြီး မန္တလေးမြို့သို့ တင်ပို့ရောင်းချကြောင်း၊ ကြိတ်ခွဲခြင်း မရှိကြောင်း သိရသည်။
DOCA(မန္တလေး)