ငါန်းဇွန်မြို့နယ်သည် စိုက်ပျိုးရေးကို အခြေခံသောမြို့တစ်မြို့ ဖြစ်သည့်အပြင် ဆောင်းနှမ်းကို မိုးစပါးများ ရိတ်သိမ်းပြီး စိုက်ခင်းများတွင် အများဆုံး စိုက်ပျိုးကြောင်း သိရသည်။၂၀၂၄-၂၀၂၅ ခုနှစ်တွင် ဆောင်းနှမ်းလျာထားဧက (၆၁၃၀) ဧကလျာထားပြီး စိုက်ပျိုးရိတ်သိမ်းမှု (၈၁၅၁)ဧက၊ အထွက်နှုန်းမှာ(၉.၅၅)တင်း၊ အထွက်တင်းပေါင်း (၇၇၈၄၂) တင်းထွက်ရှိပါကြောင်း၊ ၂၀၂၅-၂၀၂၆ ခုနှစ်တွင် ဆောင်းနှမ်းလျာထားဧက(၆၁၄၅) ရှိပြီး ဒီဇင်ဘာလကုန်ထိ စိုက်ပျိုးပြီးစီးမှုမှာ (၈၁၆၃)ဧက ဖြစ်ကြောင်း သိရသည်။ဆောင်းနှမ်းကို စက်တင်ဘာလကုန်နှင့် အောက်တိုဘာလ ဆန်းတွင် စတင်စိုက်ပျိုးပြီး ဒီဇင်ဘာလတွင် ရိတ်သိမ်း ကြောင်း သိရသည်။ စိုက်ပျိုးသောမျိုးများမှာ ကြယ်မရှောင်မျိုးနှင့်ဒေသမျိုးကိုသာ အဓိကစိုက်ပျိုး ကြောင်း၊ မျိုးနှမ်းဈေးနှုန်းမှာ တစ်ပြည်လျှင် (၁၁၀၀၀)ကျပ် ရှိကြောင်း၊ မြစ်ကမ်းဘေးကျေးရွာများအပြင် မိုးကောင်းရေသောက်ကုန်းမြေများ တွင်လည်း စိုက်ပျိုးကြောင်း၊ ယခင်နှစ် ဆောင်းနှမ်းဈေးနှုန်းမှာ တစ်ပိဿာလျှင် (၆၅၀၀/၆၇၀၀) ကျပ်ရှိပြီး စိုက်ပျိုးမှုများသော ကျေးရွာများမှာ သားကျင်၊ ရေလည်သောင်၊ ကုလားရွာ၊ မြောက်ကျွန်း၊ အောက်ရိုး၊ ကံဘို၊ ဆူးဖြူကုန်း၊ သံကုန်း၊ တောင်ကုန်း စသည်တို့ဖြစ်ပြီး၊ ရောင်းချမှုအနေဖြင့် မန္တလေးမြို့သို့ တင်ပို့ရောင်းချကြောင်း သိရသည်။
DOCA(မန္တလေး)