တနင်္သာရီတိုင်း၊ မြိတ်ခရိုင်တွင် ဒေသထွက်ကုန်များအနေဖြင့် ကွမ်းသီး၊ ရာဘာ၊ သီဟိုဠ်၊ ဆီအုန်းများ စိုက်ပျိုးထွက်ရှိပြီး ရန်ကုန်နှင့် အခြားပြည်နယ်များသို့တင်ပို့ရောင်းချလျက်ရှိပါသည်။ ဒေသထွက်ကုန်များဖြင့် တောင်သူများအကျိုးအမြတ်ရရှိလျက်ရှိပြီး ဒေသထွက်ကုန်ကွမ်းသီး သည် လည်း နိုင်ငံတော်ဝင်ငွေရရှိလျက်ရှိသည်။ ကွမ်းသီးကို ပြည်တွင်းသာမက ပြည်ပတွင်ပါ တင်ပို့ရောင်း ချကြသလို ဒေသတွင်း ကွမ်းလုပ်ငန်းများတွင်လည်းအသုံးများလျက်ရှိပေသည်။ ဒေသထွက် ကွမ်းသီး များကို ရန်ကုန်မှတဆင့် ကော့သောင်မြို့ကိုဖြတ်၍ ထိုင်းနိုင်ငံသို့တင်ပို့လျက်ရှိပြီး ယခင်က အိန္ဒိယနိုင်ငံသို့ပါတင်ပို့ကြကြောင်းသိရှိရပါသည်။
ယခုအချိန် နိုဝင်ဘာလအကုန် ဒီဇင်ဘာလများတွင် ကွမ်းသီးအသစ်ထွက်ရှိလာပြီဖြစ်သော ကြောင့် ကွမ်းသီးအသစ်စျေးနှုန်းများကျဆင်းလာပြီး ကွမ်းသီးအဟောင်းများ လက်ကျန်ကုန်ဆုံး တော့မည်ဖြစ်၍ ကွမ်းသီးအဟောင်းများစျေးကောင်းရရှိကြောင်း ကွမ်းသီးလုပ်ငန်းရှင်တစ်ဦးထံမှ သိရှိရပါသည်။ မြိတ်ခရိုင်တွင် တနင်္သာရီမြို့၊ ပပြင်၊ အလယ်ချောင်း၊ ဒေါ၊ ကျောက်ဖြူ၊ မရမ်းပင်ချောင်း၊ သမုတ်၊ ပင်းအို၊ လော့လော့၊ နန်းတော်ရာ၊ တုန်းဗျော၊ မဇော၊ မရင်း စသောဒေသများတွင် အများဆုံးစိုက်ပျိုးကြပြီး မြိတ်မြို့ရှိ ကုန်သည်များသို့ ပြန်လည်ရောင်းချ လျက်ရှိသည်။ ကွမ်းသီးကို အလုံး(အခြောက်)၊ ခွဲခြမ်း(အခြောက်)၊ အနုဟူ၍ ရောင်းချကြပါသည်။ ယခုဒီဇင်ဘာလ၌ မြိတ်မြို့တွင် ကွမ်းသီးအလုံးအသစ်စျေးနှုန်းမှာ တစ်ပိဿာ ၁၅၀၀၀ကျပ်ခန့်စျေး ပေါက်နေပြီး အဟောင်းစျေးနှုန်းမှာ တစ်ပိဿာ ၂၀၀၀၀ကျပ်ရှိကြောင်း၊ မြိတ်မြို့ရှိ ကွမ်းသီးခွဲခြမ်း အဟောင်းများ လက်ကျန် မရှိတော့ကြောင်း လက်ရှိပေါက်စျေးအရ ခွဲခြမ်းတစ်ပိဿာစျေးနှုန်းမှာ ၁၂၀၀၀ကျပ် ဖြစ်ပေါ်နေကြောင်း သိရှိရပါသည်။
DOCA(တနင်္သာရီ)