ပုသိမ်ခရိုင်၊ သာပေါင်းမြို့နယ်၊ မြို့နယ်ဦးစီးမှူး ဦးထွန်းမင်းလတ်သည် (၇.၁၂.၂၀၂၅) ရက်နေ့တွင် မြို့နယ်စိုက်ပျိုးထုတ်လုပ်မှုတိုးတက်မြင့်မားရေးကော်မတီဝင်များဖြစ်သည့် ငါးလုပ်ငန်း ဦးစီးဌာန၊ ဆည်မြောင်းဦးစီးဌာန၊ မြန်မာ့လယ်ယာဖွံ့ဖြိုးရေးဘဏ်၊ သစ်တောဦးစီးဌာန၊ ဘေးအန္တာရာယ် ဆိုင်ရာစီမံခန့်ခွဲရေးဦးစီးဌာန၊ စားသုံးသူရေးရာဦးစီးဌာနတို့ ပူးပေါင်း၍ ကျားရဲကျေးရွာအုပ်စု၊ ကျားရဲ ကျေးရွာရှိ အင်းနယ်နိမိတ်များမှန်ကန်စေရေး၊ အင်းချောင်းများအတွင်း သယ်ယူပို့ဆောင်ရာတွင် ရေလမ်းကြောင်းပိတ်ဆို့မှု မရှိစေရေး၊ ငါးများစနစ်တကျဖမ်းယူရာတွင် ဆေးဝါးများမသုံးစွဲရန်နှင့် ဘတ်ထရီဖြင့်ရှော့တိုက်၍ ငါးဖမ်းဆီးခြင်းများမပြုလုပ်စေရန် ကော်မတီအဖွဲ့ဖြင့် ကွင်းဆင်းဆောင်ရွက် ခဲ့ကြောင်း သိရှိရပါသည်။
DOCA(ဧရာဝတီ)