မိတ္ထီလာမြို့ရှိ ပေါက်ချောင်းဈေးကွက်တွင် မျှစ်ပေါက်ဈေးမြင့်လာကြောင်း သိရသည်။ မျှစ်ပေါက်ကို ဒေသနေစားသုံးသူများက ချဉ်ပေါင်ရွက်ဖြင့်အချဉ်ရည်ချက်ခြင်း၊ ကြော်ခြင်းတို့အပြင် စားတော်ပဲနှင့် ရော၍ ကြော်စားလေ့ ရှိပါသည်။ ပေါက်ချောင်းဈေးကွက် လက်လီရောင်းချသူများအနေဖြင့် မျှစ်ကိုမိုး ရာသီလှိုင်လှိုင်ပေါချိန်တွင် ရမည်းသင်းမြို့နယ်၊ ရွာတန်းကျေးရွာရှိတောဈေးသည်များကတစ်ဆင့် ဝယ်ယူရောင်းချကြပြီး သီးနှံအထွက်နည်းသည့်ကာလများတွင် မြို့မဈေးကြီးမှတစ်ဆင့်ဝယ်ယူကာ ပြန်လည်ရောင်းချကြပါသည်။ ဈေးကွက်သို့အဝင်များချိန်မိုးတွင်းကာလက မျှစ်ပေါက်တစ်ပိဿာလျှင် (၅၀၀၀/၆၀၀၀)ကျပ်ဈေးရှိခဲ့သော်လည်း ယခုအခါတစ်ပိဿာလျှင်(၇၀၀၀/၈၀၀၀)ကျပ်ဈေးဖြင့် ရောင်းချနေကြောင်း လက်လီရောင်းချသူများထံမှ သိရှိရပါသည်။
DOCA(မန္တလေး)