မြင်းခြံမြို့၊ အေးမြသီတာဈေးရှိ သစ်သီးဆိုင်များ၌ သစ်သီးဝလံမျိုးစုံ ရောင်းချလျက်ရှိရာ ပိန္နဲသီးများကိုလည်း ရောင်းချလျက်ရှိကြောင်း၊ ပိန္နဲသီးများကို မန္တလေးမြို့နှင့် ပုပ္ပါးမြို့တို့မှ မှာယူရောင်းချကြောင်း၊ ၂၀၂၅ခုနှစ်၊ ဒီဇင်ဘာလ၌ ပိန္နဲသီးတစ်လုံးလျှင် (၂၀၀၀၀)ကျပ်ခန့်၊ လက်လီဈေးကွက်၌ ပိန္နဲသီးအဆံ (၃) ဆံလျှင်(၁၀၀၀) ကျပ်ခန့်ပေါက်ဈေးများဖြင့် ရောင်းချလျှက် ရှိကြောင်း၊ ယခင်လနှင့် နှိုင်းယှဉ်ပါက ယခုလတွင် ပိန္နဲသီးတစ်လုံးလျှင် (၅၀၀၀)ကျပ်ခန့် ဈေးနှုန်းမြင့်တက်ခဲ့ကြောင်း၊ ယခုအချိန်တွင် ပိန္နဲသီးများအထွက်နှုန်းနည်းလာ၍ ရာသီကုန်ဆုံးခါနီး ပြီဖြစ်သောကြောင့် ဈေးနှုန်းမြင့် တက်ခြင်းဖြစ်ကြောင်း၊ ဈေးကွက်၌ လက်လီစားသုံးသူ များပြားကြောင်း ပိန္နဲသီး ရောင်းချသူ တစ်ဦး၏ ပြောပြချက်အရသိရှိရသည်။ စားသုံးမှုအနေဖြင့် အသီးနုများကို ပိန္နဲသီး ဝက်သားချက်၊ ပိန္နဲဆူးပုတ်ချက်၊ ပိန္နဲပုဇွန်ချက်စသည်ဖြင့်စားသုံးကြကြောင်း၊ အသီးမှည့်များ ကိုလည်း ရာသီစာ အဖြစ်လူအများစားသုံးခြင်း၊ အချိုပွဲများတွင်တည်ခင်း ဧည့်ခံကြောင်း၊ ပိန္နဲသီးသည် လူကြိုက်များတဲ့ သစ်သီးတစ်မျိုးဖြစ်၍ ဈေးကွက်တွင် ရောင်းအား ကောင်းကြောင်းသိရှိရသည်။
DOCA(မန္တလေး)