မိတ္ထီလာမြို့ရှိ ဟင်းသီးဟင်းရွက်ဈေးကွက်တွင် မုန်ညှင်းစိမ်းများဝင်ရောက်လာကာ အရောင်း သွက်ကြောင်းသိရသည်။ မုန်ညှင်းတွင် မုန်ညှင်းဖြူ(အထုပ်) များဈေးကွက်သို့ ရှမ်းပြည်နယ် တောင် ပိုင်းမှ ဝင်ရောက်လာကာ ရာသီမရွေးတွေ့ရသော်လည်း မုန်ညှင်းစိမ်းမှာ ဆောင်းရာသီ၌သာ ဈေး ကွက်တွင် ပေါပေါများများ ရောင်းချလေ့ရှိပါသည်။ မုန်ညှင်းစိမ်းကို မိတ္ထီလာမြို့နယ်ရှိ ကျေးရွာများ တွင်လည်း စိုက်ပျိုးမှုရှိပြီး ဈေးကွက်သို့ မိတ္ထီလာ၊ ရမည်းသင်းမြို့နယ်ရှိကျေးရွာများနှင့် ရှမ်းပြည်နယ် တောင်ပိုင်းတို့မှ ဝင်ရောက်ကြောင်းသိရသည်။ ဈေးကွက်သို့ ဝင်ရောက်စဖြစ်ပြီး အဝင်နည်းသေး သည့်အတွက် တစ်စီးလျှင် လက်ကားဈေး (၄၀၀) ကျပ်၊ လက်လီဈေး (၆၀၀) ကျပ်ဈေးရှိပါသည်။ မုန်ညှင်းစိမ်းမှာ နူးညံ့ပြီးချိုသောအရသာရှိသည့်အတွက်ကြော်၍လည်းကောင်း၊ ချဉ်ရည်ဟင်းချက်၍ လည်းကောင်း အမျိုးမျိုးစားသုံးကြရာ ဈေးကွက်တွင် အရောင်းသွက်ကြောင်းသိရသည်။
DOCA(မန္တလေး)