ငါန်းဇွန်မြို့နယ်သည် ၂၀၂၅-၂၀၂၆ ခုနှစ် ဖူးစားပြောင်း(မိုး) လျာထားဧက ( ၂၇၇၈)ဧကရှိပြီး၊ စိုက်ပျိုး ဧက(၂၈၇၂ဧက စိုက်ပျိုးပြီး၊ ဒီဇင်ဘာလဆန်းထိ ရိတ်သိမ်းမှုမှာ (၁၃၈)ဧကအထွက်နှုန်းမှာ (၁၂၀၀၀.၀)ဖူး၊ အထွက်နှုန်းပေါင်း (၁၆၅၆၀၀၀)ဖူးဖြစ်ကြောင်း သိရသည်။ စိုက်ပျိုးသောမျိုးမှာ ဒေသခေါ် သူတော်မျိုးကို အများဆုံး စိုက်ပျိုးကြကြောင်း၊ မျိုး၊သွင်းအားစုနှင့် လုပ်သားခအပါအဝင် တစ်ဧကကုန်ကျစရိတ်အနေဖြင့် (၅) သိန်းကျပ်ဝန်းကျင်ခန့် ကုန်ကျပါကြောင်း၊ ပေါ်စချိန်တွင် (၂၅၀/၃၀၀)ကျပ်ခန့် ဖောက်သည်ဈေးဖြင့် ရောင်းချရပါကြောင်း၊ မန္တလေးမြို့နှင့် ငါန်းဇွန်မြို့မဈေးသို့ ရောင်းချကြပါကြောင်း သိရှိရသည်။ဖူးစားပြောင်းစိုက်ပျိုးခြင်းဖြင့် နွားစာအဖြစ် ပြောင်းရိုးများကိုလည်း ပြန်လည်ရောင်းချရသည့်အတွက် တွက်ခြေကိုက်သည့် သီးနှံတစ်မျိုးဖြစ်ကြောင်း ပြောင်းစိုက်တောင်သူတစ်ဦး၏ ပြောပြချက်အရ သိရသည်။
DOCA(မန္တလေး)