မအူပင်မြို့တွင် ငါးချဉ်ရောင်းချသူများ ရှိပြီး နေ့စဉ် တစ်နှစ်ပတ်လည်လုံး ငါးချဉ် ထွက်ရှိ၍ ရောင်းချနေကြောင်း သိရသည်။ ငါးချဉ်မှာ ငါးခုံးမချဉ်၊ ငါးဖယ်ချဉ်၊ ပုစွန်ချဉ် များကို ဒေသထွက် ငါး၊ ပုစွန် များဖြင့်သာ ပြုလုပ်ကြောင်း သိရသည်။ မြစ်ချောင်း၊ အင်းအိုင်များမှ ရရှိပြီး ဒေသတွင်း ထုတ်လုပ်သူ ငါးဖယ်ချဉ်၊ ပုစွန်ချဉ် တံဆိပ် အမျိုးမျိူးဖြင့် ဒေသတွင်းနှင့် အခြားမြို့နယ်နှင့် ရန်ကုန်သို့လည်း တင်ပို့ရောင်းချကြသည်။
၂၀၂၅ခုနှစ် အောက်တိုဘာလ တတိယပါတ် အတွင်း ငါးခုံးမချဉ် ၁၀သား ဈေးနှုန်း ၂၀၀၀ ကျပ်ဖြင့်လည်းကောင်း၊ ပုစွန်ချဉ် ၁၀ဆယ်သား ၁ထုတ်လျှင် ငွေကျပ် ၈၀၀၀/-ဖြင့်လည်းကောင်း ၊ ငါးဖယ်ချဉ် ၁၀သားထုတ် တစ်ထုတ်လျှင် ၄၀၀၀/-ဖြင့် အရောင်းအဝယ်ဖြစ်လျက်ရှိသည်။ ငါးချဉ်လုပ်ငန်းများကို တစ်နိုင်တစ်ပိုင် လုပ်ကိုင်လျက်ရှိပြီး ငါးချဉ်များကို အချဉ်သိပ်ရန် ၂ရက်မှ ၅ရက်အတွင်း အချဉ်သိပ်၍ ဈေးကွက်အတွင်းရောင်းချပြီး ဆိုးဆေးမပါပဲ သဘာဝအတိုင်း ငါး၊ ပုစွန်ဖြင့်သာ ထုတ်လုပ်ကြောင်းသိရသည်။ ငါးခုံးမ ၅ပိဿာနှင့် ဆန် ၂ပြည် ဆား ၁ပိဿာခန့် အချဉ်သိပ်ပါက ငါးခုံးမချဉ် ၇ပိဿာခန့် ထွက်ရှိကြောင်း ပြုလုပ်သူမှ ရှင်းပြသည်။ စက်တင်ဘာလက ငါးခုံးမချဉ် ၁၀သားလျှင် ၁၅၀၀ကျပ်သာရှိပြီး ယနေ့ ၅၀၀ကျပ် ဈေးမြင့်တက်လာကြောင်း၊ ပုစွန်ချဉ် စက်တင်ဘာလက ၁၀ဆယ်သားလျှင် ၇၀၀၀ကျပ်ဖြစ်ပြီး ယနေ့ ၁၀၀၀ကျပ် မြင့်တက်လာကြောင်း၊ ငါးဖယ်ချဉ် ယခင်ဈေး ၁၀ဆယ်သားလျှင် ၅၀၀၀ကျပ်မှ ယနေ့ ၄၀၀၀ကျပ်ဖြစ်၍ ၁၀၀၀ကျပ် ဈေးကျဆင်းလာကြောင်း ဈေးကွက်အတွင်းမှ သိရသည်။ ကုန်ကြမ်းငါးများ ဈေးအတက်အကျပေါ်မူတည်၍ ဈေးနှုန်းမြင့်တက်လာခြင်းဖြစ်ပြီး အင်းများမှ ငါးများရရှိပါက ဈေးနှုန်းကျဆင်းလာနိုင်ကြောင်း ငါးချဉ်ထုတ်လုပ်သူထံ မှသိရသည်။
မအူပင်မြို့အခြေပြု ထုတ်လုပ်ရောင်းချလျက်ရှိသော ပုဇွန်ချဉ် အမှတ်တံဆိပ်များတွင် (ဒေါ်နီ)ပုဇွန်ချဉ်၊ ကစ်ကစ် ပုဇွန်ချဉ်လုပ်ငန်း၊ မလွင် ပုဇွန်ချဉ် နှင့် ကျုံမငေး ကျေးရွာများမှ ငါးချဉ်လုပ်ငန်းများ လုပ်ကိုင်လျက်ရှိကြောင်း သိရသည်။
DOCA(ဧရာဝတီ)