ဧရာဝတီတိုင်းဒေသကြီး၊ မအူပင်ခရိုင်၊ မအူပင်မြို့နယ်၌ ၂၀၂၅-၂၀၂၆ခုနှစ် ဆောင်းသီးထွက်သီးနှံ စိုက်ဧက ၁၃၀၀၀ကျော် နှစ်စဉ်စိုက်ပျိုးကြောင်း၊ ဆီထွက်သီးနှံ ကြိတ်ခွဲရေး စက်မှုလုပ်ငန်း ကဏ္ဍဖွံ့ဖြိုးတိုးတက်ရန်နှင့် MSMEလုပ်ငန်းများ ဖွံ့ဖြိုးတိုးတက်ရေး လိုအပ်သည့်အတွက် ဆီကြိတ်ခွဲစက် မှု လုပ်ငန်းများကို စားသုံးသူရေးရာဦးစီးဌာနနှင့်၊ စက်မှုကြီးကြပ်ရေးနှင့် စစ်ဆေးရေး ဦးစီးဌာနတို့ ပူးပေါင်း၍ (၂၂.၁၁.၂၀၂၅)ရက်နေ့ နံနက် (၁၀:၃၀) အချိန်က ကွင်းဆင်းစစ် ဆေးဆောင် ရွက်ခဲ့ကြသည်။
ဒေသတွင်း ဆီစားသုံးမှုဖူလုံနိုင်ရေးအတွက် ကွင်းဆင်းစစ်ဆေးရာတွင် ရွှေတောင်ပေါ် ကျေးရွာရှိ ရွှေကုလားကျွန်း ဆီစက်ပိုင်ရှင် ဦးကြည်ဝင်းနှင့် တွေ့ဆုံ၍ ဆီကြိတ်ခွဲလည်ပတ်မှု လုပ်ငန်း အခြေအနေများကို မေးမြန်းပြီး ဆီစက် လုပ်ငန်းများ ကြိတ်ခွဲလည်ပတ်မှု အခြေအနေနှင့် ကုန်ကြမ်းရရှိမှု အခြေအနေများကို မေးမြန်းပြီး ဒေသထွက် ဆောင်းသီးနှံ ဆီထွက်သီးနှံများ ထွက်ရှိလာမှုကို တစ်ပိုင်တစ်နိုင်ကြိတ်ခွဲခြင်းလုပ်ငန်းမှ စီးပွားဖြစ်လုပ်ကိုင်ဆောင်ရွက်နိုင်ရန်ကို ဆွေးနွေးပြီး၊ လုပ်ငနး်ရှင်မှ ဒေသဆီထွက်သီးနှံ ထွက်ရှိမှု များပြားလာပါက ဒေသတွင်းစားသုံးရန် ဖူလုံမှုရှိလာမည်ဖြစ်ပြီး လုပ်ငန်းရှင်များအနေဖြင့် ကုန်ကြမ်းဝယ်ယူရရှိမှု သက်သာစေနိုင်ကြောင်း၊ ယခုအနေဖြင့် ဒေသထွက် သီးနှံ နည်းပါး၍ အခြားဒေသထွက် ကုန်ကြမ်းများ ဝယ်ယူ ကြိတ်ခွဲလည် ပတ်လျက်ရှိကြောင်း ဆွေးနွေးခဲ့ပါသည်။ စားသုံးသူရေးရာဦးစီးဌာနအနေဖြင့် ပြည်တွင်းကုန် သွယ်မှုဖွံ့ဖြိုးရေး လုပ်ငန်းများအပြင် စားသုံးသူကာကွယ်ရေးလုပ်ငန်းများကို ဥပဒေ၊ အမိန့်၊ ညွှန်ကြားချက် များနှင့်အညီ ဆောင်ရွက်လျက်ရှိကြောင်း၊ ဆီကို မိမိအမှတ်တံဆိပ်ဖြင့် ရောင်းချ လိုပါက စားသုံးသူကာကွယ်ရေးဥပဒေ အခန်း(၁၉)ပါ ကုန်အညွှန်းအမှတ် အသားဖော်ပြခြင်းနှင့်စပ်လျဉ်း၍မြန်မာနိုင်ငံစားသုံးသူကာကွယ်ရေးကော်မရှင်၏ ညွှန်ကြားချက် အမှတ်(၂/၂၀၁၉)ပါ အကြောင်းအရာများကို အသေးစိတ်ရှင်းလင်း ဆွေးနွေး ခဲ့ပြီး စားသုံးသူကာကွယ်ရေး အသိပညာပေး လက်ကမ်းစာစောင်များ ဖြန့်ဝေခဲ့ကြောင်း သတင်းရရှိပါသည်။
DOCA(ဧရာဝတီ)