မြန်မာနိုင်ငံတွင် လေးညှင်းပင်များကို တနင်္သာရီတိုင်းဒေသကြီးနှင့် မွန်ပြည်နယ် မော်လမြိုင်မြို့ များတွင် စိုက်ပျိုးကြောင်းသိရှိရသည်။လေးညှင်းပွင့်သည် ဟင်းခတ်အမွှေးအကြိုင် တစ်မျိုးအဖြစ် သာမက ဆေးဖက်ဝင်ပြီး အလွန်အသုံးဝင်သောကြောင့် မြန်မာတိုင်းရင်းဆေးပညာများတွင် အသိအမှတ်ပြုထားကြောင်း၊ လေထိုးလေအောင့်ခြင်း၊ ဗိုက်အောင့်ခြင်း၊ ကိုယ်လက်မအီမသာ ဖြစ်ခြင်းစသည့် အစာခြေစနစ်များအတွက် သက်သာစေကြောင်း၊ အစာစားပြီးနောက် လေးညှင်းပွင့် အနည်းငယ်စားပေးခြင်းဖြင့် အစာကြေလွယ်စေကြောင်း၊ ခန္ဓာကိုယ်အတွင်းရှိ ဆဲလ်များပျက်စီးမှုကို ကာကွယ်ပေးပြီး နာတာရှည် ရောဂါများကိုကာကွယ်ပေး၍ ဘက်တီးရီးယား၊ ဗိုင်းရပ်စ်နှင့် မှိုရောဂါများကို တိုက်ဖျက်ပေးကြောင်း၊ သွားကိုက်သည့်အခါ လေးညှင်းပွင့်ကို ကိုက်သည့်သွားနှင့် ကပ်ထားပါက နာကျင်မှုကိုသက်သာစေပြီး သွားနှင့်ခံတွင်းကျန်းမာရေးအတွက် သဘာဝဆေးတစ်မျိုး ဖြစ်ကြောင်း စာပေများမှလေ့လာ သိရှိရသည်။ မြန်မာနိုင်ငံတွင် လေးညှင်းပင်များကို တနင်္သာရီ တိုင်းဒေသကြီးနှင့် မွန်ပြည်နယ် မော်လမြိုင်မြို့များတွင် စိုက်ပျိုးကြောင်းသိရှိရသည်။
DOCA(မန္တလေး)