ကန်စွန်းဥလို့ ဆိုလိုက်လျှင် ထွေထွေထူးထူး ပြောစရာမလိုအောင် လူတိုင်းလိုလို သိထားပြီးဖြစ်ပါသည်။ ကန်စွန်းကြီးပင်၏ အမြစ်ဥတွေဖြစ်ပါသည်။ အပြင်ခွံက ပန်းရောင်ရင့်ရင့်လေး၊ အတွင်းသားက လိမ္မော်ရောင်၊ အဖြူရောင်၊ ခရမ်းရောင်ဆိုပြီး အမျိုးမျိုးရှိကြပါတယ်။ အရသာက ချိုပြီး အသားက ခပ်မွမွလေးဖြစ်ပါသည်။ အာလူးလိုမဟုတ်ဘဲ ရှည်မြောမြောလေး ဖြစ်ပါသည်။ အရွယ်အသားကတော့ ခပ်ရွယ်ရွယ်ကနေ အကြီးကြီးအထိ အမျိုးမျိုးရှိနိုင်ပါသည်။ ကန်စွန်းဥမှာပါတဲ့ အမျှင်ဓာတ်က ခန္ဓာကိုယ်က ရေဓါတ်တွေ မဆုံးရှုံးရအောင်ကာကွယ်ပေးပါသည်။ ကိုယ်တွင်းရေဓါတ်ကို ထိန်းညှိပေးပြီး ဆဲလ်တွေကောင်းမွန်စွာ လုပ်ဆောင်နိုင်အောင် ကူညီပေးပါသည်။
မန္တလေးမြို့၊ ၄၁ လမ်း ကုန်စိမ်းဈေးတွင် လက်ကားဈေးနှုန်းအနေဖြင့် ကန်စွန်းဥ (၁) ပိဿာလျှင် (၃၀၀၀ ကျပ်မှ ၃၅၀၀ ကျပ်)နှုန်း၊ လက်လီဈေးနှုန်းအနေဖြင့် ၂၅ ကျပ်သားလျှင် (၁၀၀၀) ကျပ်နှုန်းဖြင့် ရောင်းချက်လျက်ရှိကြောင်း ဈေးသည်များထံမှ သိရှိရပါသည်။
DOCA(မန္တလေး)