သပြုပင်သည် မြန်မာနိုင်ငံအပါအဝင် အရှေ့တောင်အာရှဒေသ (အိန္ဒိယ၊ ထိုင်း၊ လာအို၊ ကမ္ဘောဒီးယား၊ ဗီယက်နမ်) တို့တွင် ပေါက်ရောက်သော ဆေးဖက်ဝင်အပင်တစ်မျိုးဖြစ်ပါသည်။အမြဲစိမ်း (သို့)ရွက်ကြွေပင်ဖြစ်ပြီး ၈-၁၀ မီတာအထိ မြင့်တတ်သည်။ မီးခိုးရောင်ဖျော့၊ ကြမ်းတမ်းပြီး အက်ကြောင်းများရှိသည်။ လှံစွပ်ပုံ၊ အနားညီပြီး ကြမ်းတမ်းသော မျက်နှာပြင်ရှိကာ ရွက်ကြော ထင်ရှားသည်။ သေးငယ်သော အနီ/ခရမ်းရောင် အဆန်သီး (ခရမ်းသီးအငယ်စားနှင့်ဆင်သည်)။ ခံတွင်းသန့်စင်ရန် ကိုင်းဖျားကို ဝါးပြီး ပွတ်တိုက်၍ သွားတိုက်ခြင်းများအတွက် အလွန်ကောင်းမွန်သဖြင့် အင်္ဂလိပ်အမည် "Toothbrush Tree" ဟုပင် ခေါ်ဆိုကြကြောင်းသိရှိရသည်။ အရွက်ကို ကြိတ်၍ အရေပြားအနာ၊ ယားနာ၊ ပိုးကိုက်နာများတွင် အုံပေးခြင်း၊ အမြစ်ပြုတ်ရည်ကို ဝမ်းပျက်ဝမ်းလျှောရောဂါ၊ အစာအိမ်အောင့်ခြင်းတို့အတွက် အသုံးပြုခြင်း၊ သုတေသနအချို့အရ ကင်ဆာဆဲလ်များကို တိုက်ဖျက် နိုင်စွမ်းရှိကြောင်း လည်း ဖော်ပြထားသည်ကို တွေ့ရှိရသည်။ အခေါက်တွင် မြင့်မားသော ဖိုင်ဘာပါဝင်မှုကြောင့် စက္ကူလုပ်ငန်းတွင် အသုံးပြုနိုင်ပြီး မာကျောသော သပြုသားကို လှေပြားများ ပြုလုပ်ရာတွင် အသုံးချသည်။
အရွက်ပြုတ်ရည်ကို စိုက်ပျိုးရေးတွင် မှိုသတ်ဆေးအဖြစ် အသုံးပြုကြသည်။ သပြုပင်သည် ခြောက်သွေ့ဒေသများတွင် ခိုင်ခံ့စွာ ရှင်သန်နိုင်ပြီး မြေဆီလွှာတိုက်စားမှုကို ကာကွယ်ပေးနိုင်သည်။ မြန်မာ့ရိုးရာတိုင်းရင်းဆေးပညာတွင် သပြုပင်၏ အရွက်၊ အခေါက်၊ အမြစ်တို့ကို ရာစုနှစ်များစွာ အသုံးပြုခဲ့ကြပြီး ယနေ့ခေတ်သုတေသနများကလည်း ၎င်း၏ ဇီဝကမ္မဆိုင်ရာ အာနိသင်များကို အတည်ပြုလျက်ရှိကြောင်း ဖတ်မှတ်မိသမျှ ဖော်ပြအပ်ပါသည်။
DOCA(မန္တလေး)