Languages

စစ်ဆေးရေးအရာရှိများ လုပ်ငန်းကျွမ်းကျင်မှုဆိုင်ရာ အလုပ်ရုံဆွေးနွေးပွဲ အမှတ်စဉ် (၁/၂၀၁၉)ကျင်းပ

Powered by Drupal

နေပြည်တော်၊ သြဂုတ် ၁၉

စစ်ဆေးရေးအရာရှိများ လုပ်ငန်းကျွမ်းကျင်မှုဆိုင်ရာ အလုပ်ရုံဆွေးနွေးပွဲ အမှတ်စဉ် (၁/၂၀၁၉)ဖွင့်ပွဲကို ယနေ့နံနက်(၉)နာရီခွဲတွင် စီးပွားရေးနှင့် ကူးသန်းရောင်းဝယ်ရေးဝန်ကြီး ဌာန၊ စားသုံးသူရေးရာ ဦးစီးဌာန၊ သင်တန်းခန်းမတွင် ကျင်းပသည်။

အလုပ်ရုံဆွေးနွေးပွဲတွင် ဒုတိယဝန်ကြီး ဉီးအောင်ထူးက ယနေ့အလုပ်ရုံဆွေးနွေးပွဲ ကျင်းပရခြင်း၏ ရည်ရွယ်ချက်မှာ စားသုံးသူ အကာအကွယ်ပေးရေးလုပ်ငန်းများ ဆောင်ရွက် ရာတွင် စားသုံးသူအကာ အကွယ်ပေးရေး ဥပဒေအဟောင်းအရ ဌာနစုံပါဝင်သော အဖွဲ့ဖြင့် ဆောင်ရွက်ခဲ့သော်လည်း ၂၀၁၉ ခုနှစ်၊ မတ် ၁၅ ရက်တွင် ပြင်ဆင်ပြဌာန်းခဲ့သော ဥပဒေအသစ်အရ စားသုံးသူရေးရာ ဦးစီးဌာနမှအရာထမ်း၊ အမှုထမ်းများအား စစ်ဆေးရေး အရာရှိများအဖြစ် တာဝန်ပေးအပ်ထားသည့် အတွက် စစ်ဆေးရေးအရာရှိများအနေဖြင့် ကုန်စည်နှင့် ဝန်ဆောင်မှုများအပေါ် စစ်ဆေးသည့်အခါ နည်းစနစ်ကျနစွာဖြင့် စစ်ဆေးနိုင်ရန်၊ ပညာပေးခြင်းလုပ်ငန်းများ၊ တိုင်ကြားမှုကိစ္စ၊ အခြားဆက်စပ်ဌာနများက အကူအညီ တောင်းခံ ဆောင်ရွက်လုပ်ကိုင်သည့် အခါများတွင် စနစ်တကျ ဖြင့်ဆောင်ရွက်နိုင်စေရန်နှင့် စားသုံးသူပြည်သူများကို ဥပဒေပြဌာန်းချက်ပါအတိုင်း ထိထိရောက်ရောက် အကာအကွယ် ပေးနိုင်ရန် ရည်ရွယ်ဖွင့်လှစ်ခြင်းဖြစ်ပါကြောင်း။

ဥပဒေအရ ပြည်တွင်းထုတ်ကုန်များနှင့် ပြည်ပကတင်သွင်းရသည့် ကုန်စည်များအပေါ် စားသုံးသူများ ဘေးအန္တရာယ် ကင်းရှင်းစေရေးအတွက် စောင့်ကြည့်စစ်ဆေးရန် ပြဌာန်း ထားပါကြောင်း စစ်ဆေးရေးအရာရှိများအနေဖြင့် မိမိတို့ စစ်ဆေးတွေ့ရှိချက် များအပေါ် သက်ဆိုင်ရာ အဆင့်ဆင့်ဆက်လက်တင်ပြပြီး ဥပဒေနှင့်အညီ စနစ်တကျ ကိုင်တွယ် ဆောင်ရွက်သွားရန် လိုအပ်ပါကြောင်း၊ ယနေ့အလုပ်ရုံဆွေးနွေးပွဲတွင် စားသုံးသူကာကွယ် ရေးဥပဒေ အသစ်နှင့်ပတ်သက်ပြီး စစ်ဆေးရေးအရာရှိများ မဖြစ်မနေ သိရှိလိုက်နာ ဆောင်ရွက်သွားရန် လိုအပ်ချက်များကို စားသုံးသူရေးရာဦးစီးဌာန၊ အစားအသောက်နှင့် ဆေးဝါးကွပ်ကဲရေးဦးစီးဌာန၊ ဆက်သွယ်ရေးညွှန်ကြားမှုဦးစီးဌာန၊ ပြည်သူ့ကျန်းမာရေးဦးစီး ဌာနနှင့် နေပြည်တော်စည်ပင်သာယာရေး ကော်မတီတို့က ပါဝင်ပို့ချသွားမည်ဖြစ်၍ လက်တွေ့နယ်ပယ်တွင် စားသုံးသူပြည်သူများ၏ အကျိုးစီးပွားကို အကောင်းဆုံး အကာ အကွယ်ပေးရန် လိုအပ်ပါကြောင်း မှာကြားသည်။

အလုပ်ရုံဆွေးနွေးပွဲကို တစ်ကြိမ်လျှင် ၅ ရက်ဖြင့် သုံးကြိမ်ကျင်းပမည်ဖြစ်ကြောင်း သိရသည်။