မြင်းခြံမြို့၊ အေးမြသီတာဈေး၌ ရောင်းချနေသော ရေထွက်ပစ္စည်း ငါးအမျိုးမျိုးကို ရန်ကုန်တိုင်း ဒေသကြီး၊ ကြည့်မြင်တိုင် ဈေးကွက်မှတင်သွင်းရောင်းချကြောင်း၊ ၂၀၂၅ ခုနှစ်၊ နိုဝင်ဘာလ၌ ရောင်းချနေသော ငါးမျိုးစုံအကောင်လိုက် အမျိုးအစားဈေးနှုန်းများမှာ ငါးကြင်းနီ တစ်ပိဿာလျှင် (၁၄၀၀၀-၁၅၅၀၀) ကျပ်၊ ငါးကြင်းဖြူ (၁၅၀၀၀-၁၆၅၀၀) ကျပ်၊ ငါးကြင်းရွှေဝါ (၁၁၀၀၀-၁၃၅၀၀)ကျပ်၊ ငါးမြင်း (၁၁၅၀၀-၁၄၀၀၀) ကျပ်၊ ငါးခူ(၁၄၀၀၀)၊ ဂျပန်ငါး(ကင်ငါး) (၁၃၅၀၀-၁၅၀၀၀)၊ ငါးကြင်းခုတ် သား (၃၂၀၀၀) ကျပ်၊ ငါးကြင်းခြစ် (၃၀၀၀၀) ကျပ်၊ ပုဇွန်ခေါင်းပြတ် (၂၉၀၀၀)ကျပ်၊ ပုဇွန်ထုပ်(လတ်) (၃၈၀၀၀) ကျပ်ပေါက်ဈေးများဖြင့် အရောင်းအဝယ်ဖြစ်လျက်ရှိကြောင်း၊ ငါးအကောင်လိုက် အရွယ်အစား အကြီးအသေး ပေါ်မူတည်၍ ဈေးနှုန်းကွာခြားကြောင်း ရေထွက်ပစ္စည်း ရောင်းချသူတစ်ဦး ၏ ပြောပြချက်အရသိရှိရသည်။ ယခင်လနှင့်နှိုင်းယှဉ်ပါက ယခုလတွင် ငါးပုစွန်အမျိုးအစားအလိုက် တစ်ပိဿာလျှင် (၁၅၀၀-၂၀၀၀) ကျပ် ခန့်ဈေးနှုန်းများမြင့်တက်ခဲ့ကြောင်း၊ သယ်ယူစရိတ် အပေါ်အခြေခံ၍ ဈေးနှုန်းများမြင့်တက် ခဲ့ခြင်းဖြစ်ကြောင်း ရေထွက်ပစ္စည်းရောင်းချသူတစ်ဦး၏ ပြောပြချက်အရသိရသည်။
DOCA(မန္တလေး)