မိတ္ထီလာမြို့နယ်အတွင်းရှိကျေးရွာများတွင် ဟင်းသီးဟင်းရွက်စိုက်ပျိုးရေးလုပ်ငန်းများကို အများအပြားလုပ်ကိုင်လျက်ရှိကြောင်းသိရပါသည်။ ဒေသခံများသည် ခရမ်းချဉ်သီး ၊ ခရမ်းသီး ၊ ရုံးပတီသီး၊ ချဉ်ပေါင်ရွက်၊ကန်စွန်းရွက် စသည့်သီးနှံများကိုစိုက်ပျိုးကြသည့် အပြင် ဘူးသီးများကို လည်းတစ်နိုင်တစ်ပိုင်စိုက်ပျိုးကြကြောင်းနှင့် တပ်ကုန်းနယ်ဘက်မှလည်း ဝင်ရောက်ကြောင်းသိရ ပါသည်။ ဖြန့်ဖြူးမှုအနေဖြင့် မြို့မဈေး ၊ ကုန်စိမ်းဈေး(ဘဲကန်)နှင့် မြို့ပေါ်ရပ်ကွက်ဈေးများတွင် ပြန် လည်ရောင်းချကြောင်းသိရပါသည်။ ဘူးသီးသည်အာဟာရဓါတ်များစွာပါဝင်ပြီး ကျန်းမာရေးအတွက် ကောင်းမွန်သည့် ဟင်းသီးဟင်းရွက်တစ်မျိုးဖြစ်၍ စားသုံးသူများအနေဖြင့် ဘူးသီးကြော် ၊ ဘူးသီးဟင်းချိုစသဖြင့် အမျိုးမျိုးပြုလုပ်စားလေ့ရှိကြောင်းသိရပါသည်။
ဈေးနှုန်းအနေဖြင့် မိတ္ထီလာမြို့ဈေးကွက် နိုဝင်ဘာလ တတိယပတ်တွင် ဘူးသီးတစ်လုံး (၁၅၀၀ မှ ၅၀၀၀)ကျပ်ဈေးဖြင့် ရောင်းချလျှက်ရှိပြီး အလုံးအရွယ်အစားအလိုက် ဈေးနှုန်းပြောင်းလဲမှု ရှိကြောင်း ဈေးကွက်မှ စုံစမ်းသိရှိရပါသည်။
DOCA(မန္တလေး)