ပဲခူးတိုင်းဒေသကြီး၊ ရွှေတောင်မြို့နယ်၊ ဆည်ကြီးကုန်းအုပ်စု၊ ကြက်ဖြူတောင်ကျေးရွာရှိ တောင်သူဒေါ်မိုးမိုးခင်၏ ပဲစောင်းခါးသီး စိုက်ခင်း၌ ပဲမြစ်များတူးယူနေမှုကို (၁၇.၁၁.၂၀၂၅) ရက်နေ့၊ နံနက် (၁၀:၀၀)နာရီအချိန်တွင် သွားရောက်ကွင်းဆင်းလေ့လာခဲ့ပါသည်။ ပဲစောင်းခါးသီးများ ကုန်သွားချိန်၌ ပဲမြစ်များကို တန်ဆောင်မုန်းလတွင် တူးယူရောင်းချရပါသည်။ ပဲမြစ်များကို နေ့စဉ်တူးယူပါက (၁၀)ရက်မျှသာတူးယူရပါသည်။ တစ်ခါတူးလျှင် ပိဿာချိန် (၁၀)ပိဿာ ရရှိပြီး (၁)ပိဿာလျှင် (၃၀၀၀)ကျပ်ဈေးဖြင့် မြို့ထဲမှပွဲစားများမှ လာရောက်ကောက်ယူပြီး ပြန်လည်၍ လက်လီ/ လက်ကား ရောင်းချကြပါသည်။ ပိဿာချိန်စုစုပေါင်း (၁၀၀)ခန့် ထွက်ရှိပြီး အကျိုးအမြတ်မှာ (၃၀၀၀၀၀)ကျပ်ခန့်ကျန်ရှိနိုင်ကြောင်း သိရှိရပါသည်။
DOCA(ပဲခူး)