စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့တွင် ကုန်စိမ်းသီးနှံများဖြစ်သော ခဝဲသီး၊ ရွှေဖရုံသီး၊ ဘူးသီး၊ မုန်လာထုပ်၊ ပန်းမုံလာပွင့်၊ ရွှေပဲသီး၊ ခရမ်းချဉ်သီး ၊မုံညှင်းထုပ်၊ ပြောင်းဖူး၊ ခါကြက်ဥ၊ ကန်စွန်းဥများ ရောင်းချလျက်ရှိရာ ယခုအခါ ပိန်းဥ၊ ဝဥနှင့် အာဂတ်ဥ(ခါ်) အာတာလွတ်ဥများကို ကန့်ဘလူ မြို့မဈေးတွင် ရောင်းချလျက်ရှိပါသည်။ ပိန်းဥ၊ဝဥနှင့် အာဂတ်ဥ (ခေါ်)အာတာလွတ်ဥများကို ကန့်ဘလူမြို့ပေါ် ရပ်ကွက်များမှ လာရောက်ရောင်းချလျက်ရှိကြောင်း သိရသည်။
၂၀၂၅ခုနှစ်၊ နိုဝင်ဘာလ ဒုတိယပတ်အတွင်း ရောင်းချလျက်ရှိသော ပိန်းဥဈေးနှုန်းများမှာ ပိန်းဥ(၁)ပိဿာလျှင်(၄၀၀၀)ကျပ်၊ (၅၀)ကျပ်သားလျှင်(၂၀၀၀)ကျပ်နှင့် (၂၅)ကျပ်သားလျှင်(၁၀၀၀) ကျပ်၊ဝဥ(၁)ပိဿာလျှင် (၃၀၀၀)ကျပ်၊ (၅၀)ကျပ်သားလျှင်(၁၅၀၀)ကျပ်၊ (၂၅)ကျပ်သားလျှင် (၈၀၀) ကျပ်၊ အာဂတ်ဥ(ခေါ်)အာတာလွတ်ဥ (၁)ပိဿာလျှင် (၆၀၀၀)ကျပ်၊ (၅၀)ကျပ်သားလျှင် (၃၀၀၀) ကျပ်၊ (၂၅)ကျပ်သားလျှင် (၁၅၀၀)ကျပ်ဖြင့် ရောင်းချကြောင်း၊ ပိန်းဥ၊ ဝဥနှင့် အာဂတ်ဥ(ခေါ်) အာတာလွတ်ဥများကို ပြုတ်၍သော်လည်းကောင်း၊ ပိန်းဥနှင့် ဝဥများကို အရွက်စုံနှင့်ရောကာ ဟင်းချိုအဖြစ်လည်းကောင်း စားသုံးကြ၍ လူကြီးလူငယ် မရွေးကြိုက်နှစ်သက်သဖြင့် ဝယ်ယူစားသုံး သူများလာ၍ အရောင်းအဝယ်သွက်လျက်ရှိကြောင်း ကုန်စိမ်းရောင်းချသူထံမှ သိရသည်။
DOCA(စစ်ကိုင်း)